Enfumu 2
2
Omugasho gw'obwengye
1Mwana wangye, ku oraikirize ebigambo byangye,
Waagumya ebiragiro byangye aha mutima,
2Waatega okutu kwawe obwengye,
Omutima gwawe waaguta aha kwetegyereza;
3Eego, ku oriririra obwengye bw'okukyenga,
Eiraka waariimutsya nooshaba okwetegyereza,
4Waakusherura nk'efeeza,
Waakuronda nk'eky'eitungo ekisherekirwe,
5Obwo nibwo orishoborokyerwa okutiina MUKAMA,
okazoora okumanya Ruhanga;
6 #
Yob 32:8. Ahakuba MUKAMA niwe aha obwengye,
Kandi omu kanwa ke nimwo haruga okumanya n'okwetegyereza;
7 #
Zab 84:11. Abaine emitima egororokire ababiikira obwengye obuhikire,
Kandi abagyendera omu bwesigwa ababeera engabo;
8 #
1 Sam 2:9. Arinda emihanda y'eby'oburyo,
Kandi n'abarikwera be abarinda omu mihanda yaabo.
9Obwo oryamanya okuhikiirira n'eby'oburyo,
N'obwinganisa, na buri muhanda gwona omurungi;
10Ahabw'okuba obwengye buryataaha omu mutima gwawe,
N'amagara gaawe gashemerererwe okumanya.
11 #
Enf 6:22. Okwerinda kuryakureeberera,
N'okwetegyereza kukurinde,
12Kukwihe omu mihanda y'obubi,
Kukujune abantu abarikugamba eby'obutahurira,
13 #
Zab 82:5; Yoh 3:19, 20. Abareka emihanda ehikire,
Bakagyendera omu mihanda y'omwirima,
14 #
Yer 11:15. Abeesiima nibakora ebibi,
Bakashemerererwa obutahurira bw'abanyabibi,
15 #
Zab 125:5. Abantu abatoora emihanda eteegami,
Kandi abu emitwarize yaabo etagororokire.
16 #
Enf 7:5. Oryajunwa omu mikono y'omukazi enshambani,
Omukazi owaariire enshoni, owa karimi karungi,
17 #
Mal 2:14, 15. Owaataine n'owaabaire amushweire omu buhangare bwe,
Kandi akeebwa endagaano ya Ruhanga we;
18 #
Enf 7:27. Ahabw'okuba enju ye neeza omu kufa,
N'emihanda ye neeshuuma omu bafu.
19Abaza owe tibagaruka,
N'obu kwakuba okugaruka omu muhanda gw'amagara.
20N'ahabw'ekyo oshemereire kugyendera omu mihanda y'abarungi,
N'okugumira omu mihanda y'abahikiriire;
21 #
Zab 37:9. Ahabw'okuba ab'emitima egororokire nibo batuura omu nsi,
N'abeesigwa bakagigumamu;
22 #
Zab 37:38; 52:5. Kwonka ababi baryamarwaho omu nsi,
Kandi abarikureebya baryagikuurirwamu kimwe.
Currently Selected:
Enfumu 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
