Enfumu 22
22
1 #
Mub 7:1. Eiziina rirungi n'ey'okwetengwa okukira eitungo ringi;
N'okugira obushongore nikukira efeeza n'ezaabu.
2 #
Enf 29:13; Yob 31:15. Abatungi n'abooro bateeranira hamwe;
Boona MUKAMA niwe yaabahangire.
3 #
Enf 14:16; 27:12. Omwerinzi ku areeba akabi kaija, ayeshereka;
Kwonka otaine bwengye akeegyema, kamwita.
4 #
Enf 21:20, 21. Ebihembo by'omucureezi kandi orikutiina MUKAMA
N'obutungi n'ekitiinisa n'amagara.
5 #
Enf 21:23. Amahwa n'emitego biri omu muhanda gw'orikwehabagiza;
Orikwerinda aryabyetantara.
6 #
Efe 6:4. Manyiiza omwana omuhanda ogu ashemereire kutoora;
Kandi n'obu arikura, tarigurugamu.
7Omutungi ategyeka omworo,
Kandi oyegurize aba omuhuuku w'omugurize.
8 #
Yob 4:8; Hos 10:13. Orikubiba okutahikiirira, aryagyesha akagwe;
N'enkoni y'ekiniga kye eryaremawa.
9 #
Enf 19:17; Luk 14:13, 14. Oine eriisho ry'obufura aryaheebwa omugisha,
Ahabw'okuba abooro abaha aha by'okurya bye.
10 #
Enf 26:20. Binga omuteezi w'enaku; nibwo entongane ziraarugyeho,
Okutongana n'okujumiirana bikahwaho.
11 #
Enf 16:13; Mub 10:12. Orikukunda omutima ogushemeire, kandi orikugamba eby'embabazi,
Omugabe aryaba munywani we.
12Amaisho ga MUKAMA garinda oine okumanya,
Kwonka ebigambo by'endeebya abibuzabuzqa.
13 #
Enf 26:13. Omweremwa ayekwatsakwatsa ati: Aheeru hariho entare.
Ku ndikushohora, neenyitira omu muhanda.
14 #
Enf 2:16; 23:27; Mub 7:26. Akanwa k'omukazi enshambani n'ekiina kiraingwa;
Ou MUKAMA agwereirwe kubi aryakigwamu.
15 #
Enf 13:24. Obushema bubohirwe omu mutima gw'omwana;
Kwonka enkoni y'okuhana eryabumwihamu, ebute hare.
16 #
Enf 28:22; Yob 20:19-23; Amo 5:11. Orikuhata abooro ahabw'okwekanyisiza obutungi,
Nari orikuha abatungi, eki ariihamu n'okukyena.
Ebigambo by'abanyabwengye
17Tega okutu, ohurire ebigambo by'abanyabwengye,
Kandi ote omutima gwawe aha kumanya kwangye;
18Ahabw'okuba kiryaba kirungi, waabigumya omu mutima gwawe,
Kandi waabigumya omu mutima gwawe,
Kandi waabigumya aha minwa yaawe byona.
19Nikyo naabikumanyisiza eri izooba, iwe wenka,
Ngu ogume nooyesiga MUKAMA.
20Tinaakuhandiikira ebigambo ebirikukira oburungi,
Eby'okuhana n'eby'okumanya,
21 #
Luk 1:3, 4. Okukworeka ebihikire n'eby'amazima,
Ngu obone kugarukamu abakutumire ebigambo by'amazima?
22 #
Yob 5:4; 31:21; Zek 7:10. Otarinyaga omworo, ngu niho ari omworo,
Nari okwita kubi abarikusingisirizibwa aha marembo;
23 #
Enf 23:11; 1 Sam 24:15; Yer 50:34. Ahabw'okuba MUKAMA aryabatonganira,
Kandi abarikubanyaga, aryabaihaho amagara gaabo.
24Otarinywana n'omuntu orikurahuka kuguubwa kubi,
N'obu kwakuba okugyenda n'omunyakiniga,
25Nyentsya otakaayega emitwarize ye,
Okeenaga omu mutego.
26 #
Enf 6:1, 2; 20:16. Otariba nk'abo abaha emikwato,
Abeemererera abaine amabanja.
27Ku oraabe otaine ky'okumwihurira,
Nooyenda ku bakwiha aha kitanda kyawe, bakakitwara?
28 #
Enf 23:10; Bir 19:14. Otarikuura ekiti ky'omwatano,
Ekyabyairwe baashwenkuru.
29 #
1 Sam 16:21; 1 Bag 11:28; 12:6, 8. Nooreeba omuntu orikwezirika omu murimo gwe?
Aryayemerera omu maisho g'abagabe naabaheereza;
Tariheereza bataine iziina.
Currently Selected:
Enfumu 22: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
