Enfumu 23
23
1Ku orishutama kurya n'omutegyeki,
Oteekateekye ahari ogwo muntu okuri omumaisho.
2Ku oraabe noomanya ngu ori omunyamururu,
Oyegumye omusyo aha mumiro.
3Otaryetenga eby'okurya bye ebinuzire,
Ahabw'okuba nibibihabeiha.
4 #
Enf 3:5; 28:20; 1 Tim 6:9, 10. Otarigwa ahaiguru noosherura eitungo;
Gira obwengye, okirekye.
5 #
Enf 27:24. Ku origumyaho amaisho, ribura,
Ahabw'okuba ahonaaho rigira amapapa,
Riguruka nk'empungu erikuza ahaiguru.
6 #
Enf 11:14; 28:22; Bir 15:9; Zab 141:4. Otarirya eby'okurya by'efura-nkye;
Kandi otaryetenga eby'okurya bye ebinuzire.
7 #
Zab 12:2. N'obu araabe naakugira ati: Ija orye, kandi onywe!
Kwonka omu mutima gwe, naaba atakwetsire.
8Ekitongye eki oriba waamira, oryakitanaka,
N'ebigambo byawe birungi bife busha.
9Otarigira eki waagamba, omushema akuhuriire;
Ahabw'okuba aryagira ngu ebigambo byawe tibirimu bwengye.
10 #
Enf 22:28. Otarikuura ekiti ky'omwatano ogwa ira,
Nari okurenga, okaza omu kibanja ky'efuuzi;
11 #
Enf 22:23. Ahabw'okuba Omucunguzi waabo n'ow'amaani;
Aryakutonganisa, naabatonganira.
12Omutima gwawe ogute aha kuhaburwa,
N'okutu kwawe aha bigambo by'okumanya.
13 #
Enf 13:24; 19:18. Otarireka kuhana omwana;
Ku orikumuteera omunyaafu, tarikufa.
14Ku orimuteera omunyaafu,
Oryakiza amagara ge okuza Okuzimu.
15 #
Enf 29:3. Mwana wangye, omutima gwawe ku guraabe gwine obwengye,
N'ogwangye nigwija kushemererwa.
16Ku origuma noogamba ebihikire,
Amagara gangye garyashemererwa.
17 #
Enf 28:14; Zab 37:1. Omutima gwawe gutarigirira abasiisi eihari,
Kureka gugume nigutiina MUKAMA okurenzya eizooba.
18 #
Enf 24:14. Buzimazima haryabaho ebihembo;
Kandi amatsiko gaawe tigariihwaho.
19 #
Enf 9:6. Mwana wangye, hurira, kandi ogire obwengye,
Oshoronzye omutima gwawe omu muhanda.
20 #
Enf 28:7; Isa 5:11; Luk 21:34; Efe 5:18. Otariza omu mutwe gw'abanywi ba viinyo,
N'obu gwakuba ogw'abanyamairu;
21 #
Enf 6:10, 11. Ahakuba omusinzi n'omunyanda baryaba abooro,
Kandi n'okuhungira kuryajweka omuntu obucancabari.
22 #
Enf 1:8; 30:17; Efe 6:1. Hurira sho owaakuzaire,
Kandi otarigaya nyoko yaakura.
23 #
Enf 4:5, 7. Gura amazima, kwonka otarigatunda;
Kandi ogure obwengye, okuhaburwa n'okwetegyereza.
24Ishe w'ohikiriire aryashemererwa munonga;
Orikuzaara omwana w'obwengye aryayesiima ahabwe.
25Ka sho na nyoko bashemererwe,
Kandi nyoko bashemererwe,
Kandi nyoko owaakuzaire ayesiime!
26Mwana wangye, mpa omutima gwawe,
N'amaisho gaawe geetegyereze emitwarize yangye;
27 #
Enf 22:14. Ahakuba maraaya n'ekiina kiraingwa,
Kandi omukazi owaariire enshoni n'obusya bufunzire.
28 #
Enf 7:12. Agwera nk'omwambuzi,
Kandi akanyisa endeebya omu bantu.
Ebibi ebiruga omu businzi
29 #
Kut 49:12. Enaku zigirwa oha? Obusaasi bugirwa oha?
Empaka zigirwa oha? Okwetomboita kugirwa ha?
Obuhuta bwa busha bugirwa oha? Okutukura amaisho kugirwa oha?
30 #
Enf 9:2, 5; Isa 5:11, 22. Bigirwa abaraara enkyera,
Abaza kuvumba enturire.
31Otareeba viinyo ngu niho erikutukura,
Yaaba neebirira omu kikopo,
Neesheneneka aha mumiro.
32 #
Yob 20:16. Bwanyima eruma nk'enjoka,
Etema nk'empiri.
33Amaisho gareeba ensi neegyenda,
Omutima gwawe gugamba ebitakwatairaine.
34Oshusha nk'obyami ahagati y'enyanja,
Nari nk'obyami ahaiguru y'omurongooti gw'omu meeri;
35 #
Isa 56:12; 2 Pet 2:22. Okagira oti: Banteire, kwonka tinsaasire!
Baanyasire, kwonka tiinyine ki mpuriire!
Nsisiimukye ryari, nkaza kuvumba agandi!
Currently Selected:
Enfumu 23: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
