Enfumu 21
21
1 #
Ezr 6:22. Omutima gw'omugabe guba omu mukono gwa MUKAMA,
Agutooza ahu arikwenda hoona, nk'orikuhabura amaizi omu mikua yaago.
2 #
Enf 16:2; 24:12; 1 Sam 16:7; Luk 16:15. Omuhanga gw'omuntu gwona, omu kureeba kwe, guba ogushemeire;
Kwonka MUKAMA apima omutima.
3 #
1 Sam 15:22; Hos 6:6. Okukora eby'okuhikiirira n'eby'oburyo;
Bisiimwa MUKAMA okukira ebitambo.
4 #
Enf 6:17; Zab 101:5. Ekitsyori n'omutima gw'amaryo
Niyo tabaaza y'ababi; byombi n'ekibi.
5 #
Enf 10:4; 19:2. Ebi omweziriki ateekateeka kukora tibibura kureeta mweru;
Kwonka weena orahukiiriza, ayereetera obukyene.
6Obutungi obu omuntu atunga ahabw'okubeiha, n'omuyaayuuko;
Ababusherura baba ni basherura rufu.
7Eitima ry'ababi riryabamaraho,
Ahabw'okuba banga kukora ebihikire.
8 #
Enf 2:15. Omuhanda gw'abaine orubanja gukiikami,
Kwonka emicwe y'oshemeire ehikire.
9 #
Enf 25:24. Haakiri okutuura omu karugu k'aha mutwe gw'enju
Okukira okukwatana enju mpango n'omukazi entongani.
10Omutima gw'omubi gwetenga ebibi;
Mutaahi we tamureebamu mbabazi.
11 #
Enf 19:25. Omuteezi w'enaku ku afubirwa,
Abataine bwengye bahinduka ababwine.
Omunyabwengye ku ahaburwa, aihamu okumanya.
12 #
Zab 37:35, 36. Ohikiriire ayetegyereza enju y'omubi;
Amanya oku ababi banagwa ahansi, bakacwekyerera.
13 #
Mat 7:2; 18:30-34. Oyanga kuhurira okutaka kw'abooro,
Nawe aryataka, abure ow'okumuhurira.
14Ekiconco ky'omu mubonano kiikaikanisa okuguubwa kubi,
Kandi empongano esherekirwe omu kwahwa eikaikanisa ekiniga kingi.
15 #
Enf 10:29. Emanja ku zicuubwa omu buryo abahikiriire bakishemerererwa
Kwonka ababi bo bahahaaza omutima.
16Omuntu orikuhaba, akaruga omu muhanda gw'okwetegyereza,
Aryahuumurira omu mutwe gw'abaafiire.
17Orikukunda eby'okweshemeza aryaba omworo;
Orikukunda viinyo n'amajuta tariba mutungi.
18 #
Enf 11:8. Omubi n'eky'okucungura ohikiriire,
Kandi endeebya n'eky'okucungura ow'omutima gugororokire.
19Haakiri okutuura omu nsi etatuurwamu bantu
Okukira okutuura n'omukazi entongani kandi orikuguubwa kubi hakyehakye.
20 #
Yob 20:15, 18; Zab 112:3. Omu ka y'omunyabwengye harimu obutungi bw'obuguzi bwingi n'amajuta,
Kwonka omushema abimurakwo.
21 #
Enf 15:9; Mat 5:6; 6:33. Orikukuratira okuhikiirira n'embabazi,
Aryagira amagara n'ekitiinisa.
22 #
2 Sam 5:6-9; Mub 7:19. Omunyabwengye atemba orugo rw'orurembo rw'emanzi,
Asheenya ekigo eki baabaire nibeesiga.
23 #
Enf 13:3. Orinda akanwa ke n'orurimi rwe,
Ayerinda akabi.
24Omunyamaryo kandi ow'ekiziizi ayetwa omugayi;
Akora n'amaryo n'emyekuniko.
25 #
Enf 13:4. Omweremwa aitwa okwetenga kwe,
Ahabw'okuba emikono ye eyanga kufa kubi.
26 #
Zab 37:26. Eizooba ryona omubi ayetenga,
Kwonka ohikiriire we aha, kandi taima.
27 #
Enf 15:8; Isa 66:3. Ekitambo ky'omubi n'ekirikunugwa;
Reero kaashwa okukitamba n'omutima mubi!
28 #
Enf 19:9. Kareebi w'ebishuba aryacwekyerera,
Kwonka omuntu orikuhurira aryagamba atarikuzibirwa.
29Omubi ayoma ahamaisho,
Kwonka ow'omutima gugororokire atebeekanisa emihanda ye.
30 #
Enf 19:21; Isa 8:10. Tihariho bwengye, nari okwetegyereza, n'obu yaakuba enaama
Ebirikubaasa kurwanisa MUKAMA.
31 #
Zab 20:7; Yer 3:23. Embaraasi eteekateekyerwa eizooba ry'orugamba,
Kwonka okusingura kuba okwa MUKAMA.
Currently Selected:
Enfumu 21: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
