Popular Bible Verses from Enfumu 22

Share

Manyiiza omwana omuhanda ogu ashemereire kutoora; Kandi n'obu arikura, tarigurugamu.

Ebihembo by'omucureezi kandi orikutiina MUKAMA N'obutungi n'ekitiinisa n'amagara.

Eiziina rirungi n'ey'okwetengwa okukira eitungo ringi; N'okugira obushongore nikukira efeeza n'ezaabu.

Otarinywana n'omuntu orikurahuka kuguubwa kubi, N'obu kwakuba okugyenda n'omunyakiniga

Oine eriisho ry'obufura aryaheebwa omugisha, Ahabw'okuba abooro abaha aha by'okurya bye.

Omwerinzi ku areeba akabi kaija, ayeshereka; Kwonka otaine bwengye akeegyema, kamwita.

Omutungi ategyeka omworo, Kandi oyegurize aba omuhuuku w'omugurize.

Abatungi n'abooro bateeranira hamwe; Boona MUKAMA niwe yaabahangire.

Otarinyaga omworo, ngu niho ari omworo, Nari okwita kubi abarikusingisirizibwa aha marembo; Ahabw'okuba MUKAMA aryabatonganira, Kandi abarikubanyaga, aryabaihaho amagara gaabo.