Enfumu 1
1
1 #
1 Bag 4:32; Enf 10:1; 25:1; Mub 12:9. Enfumu za Sulemaani mwene Daudi, omugabe wa Israeli,
2Ez'okumanyisa obwengye n'okuhabura,
N'ez'okushoboorora ebigambo ebirimu okwetegyereza,
3 #
Enf 2:9. Ez'okwegyesa okukoresa obwengye
Omu kuhikiirira, omu buryo n'omu bwinganisa;
4Okuhaisa otaine bwengye okwerinda;
N'omutsigazi okumuha okumanya obwerinzi,
5Ngu omunyabwengye ahurire, ayeyongyere kwega,
Kandi omushaija oine okwetegyereza atungye obwengye obuhikire;
6 #
Zab 78:2. Okumanya enfumu n'eby'okurengyezana,
Ebigambo by'abanyabwengye n'ebishaakuzo.
Ebirikuhabura okureka emicwe mibi
7 #
Enf 9:10; 15:33; Zab 111:10; Yob 28:28. Okutiina MUKAMA niyo ntandikiro y'okumanya,
Kwonka abashema bagaya obwengye n'okuhaburwa.
8Mwana wangye, guma ohurire ebi sho arikukuhabura,
Kandi otanga ebi nyoko arikukwegyesa;
9 #
Kut 41:42; Dan 5:29. Ahabw'okuba biryaba eihunde aha mutwe gwawe,
Kandi emikuufu omu bitysa byawe.
10Mwana wangye, abasiisi ku barikubeihabeiha,
Otariikiriza.
11Ku barigira ngu, Ija tugyendane, tugwere ab'okwita,
N'abataine rubanja tubature busha,
12 #
Kub 16:32, 33. Tubamire bahuriire, nk'oku
Okuzimu emira abantu bashugaine,
Nk'abo abashuuma omu Kiina;
13Turyagwa aha bintu by'obuguzi bwingi,
Twijuze amaka gaitu eminyago;
14Mbwenu kwatanisa naitwe,
Twena tugire enshaho emwe;
15 #
Zab 1:1. Mwana wangye, otarigyenda nabo,
N'obu kwakuba okwimutsya ekigyere kyawe kutoora emihanda yaabo;
16 #
Isa 59:7; Rom 3:15. Ahabw'okuba ebigyere byabo biirukira ebibi,
Birahuka kusheesha eshagama.
17Manya, okutega omutego enyonyi neegureeba,
N'okweruhiza busha.
18Kwonka abo bantu baba nibagwera eshagama yaabo bonak,
Nibagiira amagara gaabo omu kyetindo.
19Niyo mihanda y'abo boona abagira omururu gw'amagoba,
Gaihaho amagara ga bakama baago.
20 #
Enf 8:1-3; 9:3. Bwengye naayeta naayamuriza omu nguuto,
Eiraka rye naariimukiza omu butare.
21Naayetera aha mutwe gw'engo z'amabaare z'orurembo,
Aha marembo gaarwo niho arikugambira ebigambo bye, naagira ati:
22Imwe abataine bwengye, muryahitsya hi okukunda okutagira bwengye?
Abateezi b'enaku baryahitsya hi okwesiimira okuteera enaku kwabo,
N'abashema okwanga okumanya?
23 #
Yoel 2:28. Mute omutima aha kuhana kwangye;
Reeba, naaza kushuka Omwoyo wangye ahariimwe,
Mbamanyise ebigambo byangye.
24 #
Isa 65:12; Yer 7:13; Zek 7:11; Rom 10:21. Ahabw'okubeeta, mukanga kuhurira,
Nkatega emikono, hakabura owaakitaho omutima;
25 #
Zab 107:11; Luk 7:30. Ahabw'okuteeta ha kuhabura kwangye kwona,
Mukangira kimwe okuhana kwangye,
26 #
Zab 2:4. Naanye ndyasheka omu bunaku bw'ebihikiirizi byanyu;
Ndyabateerera enaku, ekimurikutiina kyabahikaho.
27Ekirikubatiinisa ku kiriija nk'eihunga,
N'ebihikiirizi byanyu byaija nk'omuyaga gw'akasooroora,
Mwagira enaku n'obusaasi,
28 #
1 Sam 8:18; Mik 3:4. Obwo baryantakira, kwonka tindigarukamu;
Baryayezirika kunsherura, kwonka tibarindeeba.
29 #
Yob 21:14. Ahabw'okwanga okumanya,
N'okwihamu okutiina MUKAMA,
30 #
Zab 107:11. Bakangira kimwe okuhabura kwangye,
Bakagaya okuhana kwangye kwona,
31 #
Yer 6:19. Nikyo baririira ebyana by'emitwarize yaabo,
Bakaiguta enaama zaabo mbi.
32 #
Yer 2:19. Ahabw'okuba okugaruka enyima kw'abataine bwengye kuryabaita,
N'okugogyera kw'abashema kuryabacwekyereza;
33 #
Zab 25:13; 112:7. Kwonka weena orikumpurira aryatuura buhooro,
Agume agaramisiriize, ataine kabi k'arikutiina.
Currently Selected:
Enfumu 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
