Popular Bible Verses from Enfumu 2

Share

Ahakuba MUKAMA niwe aha obwengye, Kandi omu kanwa ke nimwo haruga okumanya n'okwetegyereza

Mwana wangye, ku oraikirize ebigambo byangye, Waagumya ebiragiro byangye aha mutima, Waatega okutu kwawe obwengye, Omutima gwawe waaguta aha kwetegyereza; Eego, ku oriririra obwengye bw'okukyenga, Eiraka waariimutsya nooshaba okwetegyereza, Waakusherura nk'efeeza, Waakuronda nk'eky'eitungo ekisherekirwe, Obwo nibwo orishoborokyerwa okutiina MUKAMA, okazoora okumanya Ruhanga

Abaine emitima egororokire ababiikira obwengye obuhikire, Kandi abagyendera omu bwesigwa ababeera engabo; Arinda emihanda y'eby'oburyo, Kandi n'abarikwera be abarinda omu mihanda yaabo.

Ahabw'okuba ab'emitima egororokire nibo batuura omu nsi, N'abeesigwa bakagigumamu; Kwonka ababi baryamarwaho omu nsi, Kandi abarikureebya baryagikuurirwamu kimwe.

Oryajunwa omu mikono y'omukazi enshambani, Omukazi owaariire enshoni, owa karimi karungi, Owaataine n'owaabaire amushweire omu buhangare bwe, Kandi akeebwa endagaano ya Ruhanga we