Enfumu 13
13
1 #
1 Sam 2:25. Omwana oine obwengye ahurira okuhabura kwa ishe,
Kwonka omugayi taikiriza kuhanwa.
2 #
Enf 12:14. Omuntu arya ebirungi naabiiha omu birikuruga omu kanwa ke,
Kwonka eki endeebya zeetenga n'okunyagisa abandi amaani.
3 #
Enf 18:7; 21:23. Orinda akanwa ke aba arinzire amagara ge,
Kwonka okaashamya munonga aryacwekyerera.
4 #
Enf 6:9-11. Omutima gw'omweremwa gwetenga, haza tiguritunga;
Kwonka omutima gw'omweziriki guhaaga ebirungi.
5Omuntu ohikiriire ayanga ebishuba,
Kwonka omubi ayetamisa, kandi ayehemura.
6 #
Enf 11:3. Okuhikiirira kurinda ou omuhanda gwe gugororokire,
Kwonka obubi bugwisa ababi.
7 #
Enf 11:24; Luk 12:21. Hariho oyegira omutungi, haza ataine ki arine;
Kandi hariho oyegira omworo, haza aine eitungo ringi.
8Amagara g'omuntu gacungurwa eitungo rye,
Kwonka omworo tagira ky'okumucungura.
9 #
Yob 18:5; 29:3. Omushana gw'ohikiriire gwaka gye,
Kwonka etabaaza y'omubi eryaraazibwa.
10Amaryo gareeta entongane zonka,
Kwonka obwengye bugirwa abaikiriza kuhaburwa.
11 #
Enf 20:21; 21:6. Eitungo rya bugubugu riryatuuba,
Kwonka orikutunga mporampora aryarikanyisa.
12 #
Enf 3:18. Amatsiko gatahweire garusya omutima,
Kwonka ekirikwetengwa ku kiboneka, kiba ekiri ky'amagara.
13 #
Kub 15:31; 2 Bus 36:16. Ogaya ekigambo kya Ruhanga, ayereetera kucwekyerera,
Kwonka oyorobera ekiragiro kye, aryaheebwa ebihembo.
14 #
Enf 10:11; 14:27. Okwegyesa kw'abanyabwengye n'enshuro y'amagara,
Kureetera omuntu kwetantara emitego ya rufu.
15Okumanya okuhikire kureeta obushongore,
Kwonka omuhanda gw'abasiisi gurusya.
16 #
Enf 15:2; 18:2; Mub 10:3. Orikwerinda weena akoresa okumanya,
Kwonka omushema ayoreka obushema bwe butunu.
17 #
Enf 25:13. Entumwa mbi enaga abantu omu kabi,
Kwonka entumwa erikwesigwa ereeta obugwa gye.
18 #
Enf 15:5, 32. Oyanga kuhaburwa, omugabo gwe guba obworo n'okuhemuka,
Kwonka okunda kuhanwa aryaheebwa ekitiinisa.
19Ebirikwetengwa ku bihikiirizibwa, bishemeza omutima,
Kwonka okwetantara ebibi n'ekirikunugwa aha bashema.
20Ogyenda n'abanyabwengye, nawe ahinduka omunyabwengye,
Kwonka mungyenzi w'abashema aryakizira.
21 #
Zab 32:10; Luk 6:38. Akagwe kahiiga abasiisi,
Kwonka abahikiriire baryaheebwa okugogyera.
22 #
Yob 27:16, 17; Mub 2:26. Omuntu murungi atsigira abaijukuru obuhunguzi,
Kwonka eitungo ry'omusiisi ribiikirwa abahikiriire.
23Emisiri y'abooro eyeza bingi,
Kwonka ehwa neenyagirwa busha.
24 #
Enf 19:18; 22:15. Otateera mwana we, amwanga,
Kwonka omukunda, amuhana bukiri kare.
25Ohikiriire agira ebirikumuhaazya,
Kwonka enda y'omubi eguma n'enjara.
Currently Selected:
Enfumu 13: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
