Popular Bible Verses from Enfumu 13

Share

Ogyenda n'abanyabwengye, nawe ahinduka omunyabwengye, Kwonka mungyenzi w'abashema aryakizira.

Orinda akanwa ke aba arinzire amagara ge, Kwonka okaashamya munonga aryacwekyerera.

Otateera mwana we, amwanga, Kwonka omukunda, amuhana bukiri kare.

Amatsiko gatahweire garusya omutima, Kwonka ekirikwetengwa ku kiboneka, kiba ekiri ky'amagara.

Okuhikiirira kurinda ou omuhanda gwe gugororokire, Kwonka obubi bugwisa ababi.

Eitungo rya bugubugu riryatuuba, Kwonka orikutunga mporampora aryarikanyisa.

Amaryo gareeta entongane zonka, Kwonka obwengye bugirwa abaikiriza kuhaburwa.

Omuntu murungi atsigira abaijukuru obuhunguzi, Kwonka eitungo ry'omusiisi ribiikirwa abahikiriire.

Omwana oine obwengye ahurira okuhabura kwa ishe, Kwonka omugayi taikiriza kuhanwa.

Oyanga kuhaburwa, omugabo gwe guba obworo n'okuhemuka, Kwonka okunda kuhanwa aryaheebwa ekitiinisa.