Enfumu 14
14
1 #
Enf 24:3; Rus 4:11. Omukazi w'obwengye weena ayombeka eka ye,
Kwonka omukazi omushema agyesheenyera.
2 #
Enf 28:6. Ogyenda n'omutima ogugororokire aba naatiina MUKAMA,
Kwonka oyehabagiza omu mihanda ye, aba naamugaya.
3 #
Enf 12:6; Yer 18:18. Ebi omushema agamba bimuteeza enkono y'amabega,
Kwonka eminwa y'abanyabwengye eryabarinda.
4Ahu ente z'okuhingisa zitari, tihagira bihunikirwe;
Kwonka ahabw'amaani g'ezo nte ebyezire biba bingi.
5 #
Enf 6:19; Kur 23:1. Kareebi orikwesigwa tabeiha,
Kwonka kareebi ow'ebishuba abeiha.
6 #
Enf 8:9; 24:7. Omuteezi w'enaku ayeruhiza busha kusherura obwengye,
Kwonka okumanya kurahukira orikwetegyereza.
7Ruga aha mushema,
Ahakuba tihariho kigambo ky'obwengye, eki orimushangamu.
8Obwengye bw'omwerinzi n'okumanya omuhanda gwe,
Kwonka obushema bw'abashema n'okugobya.
9 #
Enf 10:23. Ekibi kiryarya abashema,
Kwonaka ab'emitima egororokire bagira obushongore.
10Obusaasi bumanywa omutima ogu burimu,
Kandi omu kushemererwa kwagwo tihariho mugyenyi okwatanisa nagwo.
11 #
Enf 15:25. Enju y'omubi ryasheenywa,
Kwonka eihema ry'ow'omutima gugororokire riryahama.
12 #
Enf 16:25; Rom 6:21. Hariho omuhanda ogu omuntu ayeta murungi,
Kwonka omuheru gwagwo guri omuhanda gw'okufa.
13 #
Mub 2:2; Luk 6:25. Nangwa n'obu asheka, omutima gwe guguma gwine obusaasi,
Kandi omuheru gw'okushemererwa n'enaku.
14 #
Enf 1:31; 12:14; Isa 3:10. Omuntu orikwehabagiza aryahaagibwa ebyana by'emitwarize ye,
Kandi omuntu murungi aryahaagibwa ebyana by'ebi arikukora.
15Otaine bwengye aikiririza eryo,
Kwonka omwerinzi ayetegyereza ahu arikuraba.
16 #
Enf 3:7; Yob 28:28. Omunyabwengye ayerinda, kandi ayetantara obubi,
Kwonka omushema tayenda kutegyekwa, kandi tagira ki ayetaho.
17Orahuka kugira ekiniga, akora eby'obushema;
Kwonka omuntu orikwerinda agumisiriza.
18Abataine bwengye batunga obushema,
Kwonka abeerinzi bajwekwa ekirunga ky'okumanya.
19 #
Kut 42:6. Enkozi z'ebibi ziinamira abarungi,
N'ababi baguma aha marembo g'abahikiriire.
20 #
Enf 19:4, 7. Omworo ayangwa; nangwa na bataahi be tibamwenda;
Kwonka omutungi agira abanyamikago baingi.
21 #
Enf 11:12; Zab 41:1. Orikugaya mutaahi we n'omusiisi,
Kwonka orikugirira abooro embabazi, ahiiriirwe.
22Abagira enaama mbi, baba batahabire?
Kwonka abagira enaama nungi, baryakorerwa eby'embabazi n'eby'amazima.
23Omu kufa kubi okw'emiringo yoona habamu omugasho;
Kwonka okugamba kwonka kureeta obworo.
24Ekirunga ky'abanyabwengye n'obutungi bwabo,
Kwonka obushema n'eihunde ry'abashema.
25 #
Enf 14:5. Kareebi ow'amazima akiza amagara g'abantu,
Kwonka ogamba ebishuba aba omureebya.
26 #
Enf 1:33; Zab 14:6. Omu kutiima MUKAMA omuntu agiriramu obwesigye buhamire,
Kandi abaana be baryabona obuhungiro.
27 #
Enf 13:14. Okutiina MUKAMA n'enshuro y'amagara,
Kureetera abantu kuruga omu mitego ya rufu.
28 #
1 Bag 4:20. Ekihaisa omugabe ekitiinisa n'okugira abantu baingi munonga,
Kwonka omutegyeki otaine bantu acwekyerera.
29 #
Enf 15:18; 16:32; 19:11; Mub 7:9; Yak 1:19. Otarahuka kugira kiniga, aba aine okwetegyereza kwingi,
Kwonka orahuka kukigira, ahimbisisa obushema.
30 #
Enf 12:4. Omutima ogutuurize gureetera omubiri amagara,
Kwonka eihari rireetera amagufa kujunda.
31 #
Enf 17:5; 22:2; Mat 25:40, 45. Ohata omunaku, aba naajuma Omuhangi we,
Kwonka ogirira abakyene embabazi, amuha ekitiinisa.
32 #
Kub 23:10; Yob 19:25-27; Zab 23:4. Omubi agarurwa ahansi okukora kubi kwe,
Kwonka ohikiriire aguma n'amatsiko, nangwa n'omu kufa kwe.
33Obwengye butuura omu mutima gw'orikwetegyereza,
Kwonka omu mitima y'abashema tibumanywamu.
34Okuhikiirira kuhimbisisa eihanga;
Kwonka ekibi kijumisa ibara ihanga.
35 #
Enf 16:13; Mat 24:45-47. Omugabe agirira embabazi omugaragwa orikukora n'obwengye;
Kwonka agirira ekiniga orikukora ebirikuhemura.
Currently Selected:
Enfumu 14: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
