Enfumu 12
12
1 #
Enf 5:12. Okunda kuhanwa aba naakunda obwengye,
Kwonka oyanga kuhanwa aba ari omushema.
2 #
Enf 8:35. Omuntu murungi agira obushongore ahari MUKAMA,
Kwonka ogira enaama mbi, MUKAMA amucwera orubanja.
3 #
Enf 10:25. Omuntu tahamibwa bubi,
Kwonka emizi y'abahikiriire terikuurwa.
4 #
Enf 14:30; 31:10; Kyesh 3:11. Omukazi w'emicwe mirungi aba ekirunga kya iba,
Kwonka okora ebirikuhemura buba obujunde omu magufa ge.
5 #
Mat 12:35. Ebiteekateeko by'ohikiriire n'eby'oburyo,
Kwonka okuhanuura kw'ababi n'okureebya.
6 #
Enf 14:3. Ebigambo by'ababi biba eby'okugwera kujwisa eshagama,
Kwonka akanwa k'abaine emitima egororokire kakiza abantu.
7 #
Enf 10:25, 30; Yob 34:25. Ababi banagwa ahansi, bahwaho;
Kwonka enju y'abahikiriire eryagumaho.
8Omuntu asiimwa nk'oku obwengye bwe buri,
Kwonka ow'omutima ogurikwehabagiza agaywa.
9Omuntu otaine kitiinisa, orikwekorera,
Naakira orikwegira mukuru, haza ataine ky'okurya.
10 #
Bir 25:4. Omuntu ohikiriire ata omutima aha matungo ge,
Kwonka embabazi z'omubi guba omwaga.
11 #
Enf 28:19. Ohinga emisiri ye, agira eby'okurya bingi;
Kwonka okuratira ebitaine mugasho, tagira bwengye.
12Omunaara gugumire ogw'ababi gusheenyagurika,
Kwonka emizi y'abahikiriire eguma ehamire.
13 #
Enf 18:7; 21:23; Mat 12:37. Okushobya kw'eminwa y'omubi kumunaga omu mutego,
Kwonka ohikiriire akira enaku.
14 #
Enf 13:2; 18:20; Isa 3:10, 11. Ebiruga omu kanwa k'omuntu nibyo bimuhaazya ebirungi;
Kandi ebi omuntu akora n'engaro ze nibyo azimuurirwa.
15 #
Enf 3:7; 16:2. Omuhanda gw'omushema omu kureeba kwe guba guhikire,
Kwonka omunyabwengye aikiriza kuhaburwa.
16Okuguubwa kubi kw'omushema kumanywa ahonaaho,
Kwonka omuntu orikwerinda tayeta ha bijumo.
17 #
Enf 6:19. Ogamba amazima, aha obwakareebi obuhikire;
Kwonka kareebi ow'ebishuba agamba eby'obugobya.
18 #
Zab 57:4. Hariho orahukiiriza ebigambo, ebirikucumita nka rurara,
Kwonka orurimi rw'omunyabwengye rutamba.
19Eminwa egamba amazima egumaho ebiro byona,
Kwonka orurimi orubeiha ruba orw'akaanya kakye.
20Obugobya buba omu mitima y'abaza omu naama z'obubi,
Kwonka abo abaza omu naama z'obusingye bagira okushemererwa.
21 #
Zab 91:10; Rom 8:28. Ohikiriire tahikwaho kabi,
Kwonka ababi batuura baijwire enaku.
22 #
Enf 6:17; 11:1, 20. Eminwa ebeiha eba ekirikunugwa ahari MUKAMA,
Kwonka abakora eby'obwesigwa nibo ashemerererwa.
23Omuntu orikwerinda ashereka okumanya kwe,
Kwonka abashema babuzya obushema bwabo.
24Omukono gw'omweziriki guryategyeka,
Kwonka omweremwa aryakoresibwa eby'obuhuuku.
25 #
Enf 15:13. Amaganya g'omutima gw'omuntu gamureetera okweyinamirira,
Kwonka ekigambo kirungi kigushemeza.
26Omuntu ohikiriire ayebembera mutaahi we,
Kwonka omuhanda gw'ababi gubahabya.
27Omweremwa takwata ki ahiigire,
Kwonka omweziriki aryatunga ebintu by'obuguzi bwingi.
28 #
Enf 10:2. Omu muhanda gw'okuhikiirira harimu amagara,
Kwonka omuhanda gw'okushobya gutwara omu kufa.
Currently Selected:
Enfumu 12: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
