Enfumu 11
11
1 #
Enf 16:11; 20:10, 23; Lev 19:35, 36. Eminzani y'oburyarya n'ekirikunugwa ahari MUKAMA,
Kwonka ebipimo by'amazima bimushemeza.
2 #
Enf 16:18; 18:12; 29:23; Dan 4:30, 31. Amaryo gakuratwa okuhemuka,
Kwonka obwengye bugirwa abacureezi.
3 #
Enf 13:6. Obwesigwa bw'abahikiriire bubahabura,
Kwonka obugobya bw'abarikureebya buryabacwekyereza.
4 #
Kut 7:1; Ezk 7:19; Zef 1:18. Eitungo tiriine ki rigasha aha izooba ry'ekiniga,
Kwonka okuhikiirira kwiha omu kufa.
5Okuhikiirira kw'otaine kamogo kumushorongyeza omuhanda,
Kwonka omubi agwisibwa obubi bwe.
6 #
Zab 7:15, 16. Okuhikiirira kw'abahikire kuryabajuna,
Kwonka abarikureebya baryakwatwa eitima ryabo.
7 #
Enf 10:28. Omubi ku afa, amatsiko ge gahwaho,
Kandi amatsiko g'abatarikutiina Ruhanga gahwerekyerera.
8 #
Enf 21:18. Ohikiriire ajunwa omu kabi,
Omubi aba niwe yaakagwamu.
9Otarikutiina Ruhanga acwekyereza mutaahi we n'akanwa ke,
Kwonka abahikiriire baryatambirwa okumanya.
10 #
Enf 28:12; Est 8:15. Abahikiriire ku baba gye, orurembo rushemererwa;
Kandi ababi ku bacwekyerera, habaho okuteera akaari.
11Orurembo rutunguurwa omugisha gw'ow'omutima ogugororokire,
Kwonka rusheenywa akanwa k'omubi.
12 #
Enf 14:21. Ocamura mutaahi we, aba ataine bwengye;
Kwonka omuntu orikwetegyereza aguma ayehunamiire.
13 #
Enf 20:19; Lev 19:16. Orikugyenda naagambuura bagyenzi be, agamba emibonano,
Kwonka ow'omutima gw'obwesigwa tagigamba.
14 #
Enf 15:22; 20:18; 24:6. Ahu abahabuzi b'obwengye batari, abantu bagwa;
Kwonka ahu abahi b'obwengye bari, habaho obusingye.
15 #
Enf 6:1. Orikwemererera ou atarikumanya, aryakizira;
Kwonka orikwanga okwemererera, naaguma ari buhooro.
16Omukazi w'embabazi aheebwa ekitiinisa;
Abarikuunyagisa amaani bagira obutungi.
17 #
Mat 5:7; 25:34-40. Ow'embabazi ayezimuurira ebirungi,
Kwonka omunyamwaga ayesaasa.
18 #
Hos 10:12; Gal 6:8, 9; Yak 3:18. Omubi aheebwa ebihembo by'omuyaayuuko,
Kwonka orikubiba okuhikiirira taribura kutunga ebihembo by'amazima.
19 #
Enf 10:16; Rom 6:23. Orikuhamira omu kuhikiirira aryagumaho,
Kwonka orikukuratira ebibi aryafa.
20 #
1 Bus 29:17; Zab 119:1. Abaine omutima ogurikwehabagiza n'ekirikunugwa ahari MUKAMA,
Kwonka ab'emitwarize ehikire bamushemeza.
21 #
Enf 16:5. Mumanyire kimwe ngu omunyabibi taribura kufubirwa,
Kwonka abahikiriire baryajunwa.
22Omukazi murungi otaine mutima
Ni nk'empeta y'ezaabu ejwekirwe omu nyindo z'empunu.
23 #
Rom 2:8. Omuheru gw'ebi ohikiriire ayetenga n'ebirungi bisha,
Kwonka ogw'amatsiko g'omubi n'okugirirwa ekiniga.
24 #
Enf 13:7. Omuntu, n'obu agabisa emikono ebiri, ayeyongyera kutunga;
Ondiijo aima eki ashemereire kuha, haza kimureetera kugira obworo bwonka.
25 #
Mat 7:2; 2 Kor 9:6. Omuntu efura aryatunga,
Kandi orikuha abandi amaizi, nawe aryagaheebwa.
26Orikwima abantu engano, aryajumwa boona;
Kwonka omugisha guryaba ahari orikuzibaguza.
27 #
Enf 11:6; Est 7:10. Orikwezirika kusherura ebirungi, aba ayesheruriire okukundwa;
Kwonka orikwendeza abandi obubi, buryamugarukana.
28 #
Zab 92:12; Mak 10:24; Luk 12:20, 21; 1 Tim 6:17. Orikwesiga eitungo rye aryahotoka,
Kwonka ohikiriire aryabengyeya nk'eibabi ribisi.
29 #
Enf 15:27; Mub 5:16. Orikurabanisamu eka ye, aryahungura omuyaga,
Kandi omushema aryahakwa omunyabwengye.
30 #
Enf 3:18. Ebyana by'ohikiriire n'ekiti ky'amagara,
Kandi oine obwengye ajunisa abantu.
31 #
1 Pet 4:18. Abahikiriire ku baraabe nibafubirwa bakiri omu nsi,
Kaashwa ababi n'abasiisi.
Currently Selected:
Enfumu 11: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
