Popular Bible Verses from Enfumu 11

Share

Omuntu efura aryatunga, Kandi orikuha abandi amaizi, nawe aryagaheebwa.

Omuntu, n'obu agabisa emikono ebiri, ayeyongyera kutunga; Ondiijo aima eki ashemereire kuha, haza kimureetera kugira obworo bwonka.

Amaryo gakuratwa okuhemuka, Kwonka obwengye bugirwa abacureezi.

Ahu abahabuzi b'obwengye batari, abantu bagwa; Kwonka ahu abahi b'obwengye bari, habaho obusingye.

Ebyana by'ohikiriire n'ekiti ky'amagara, Kandi oine obwengye ajunisa abantu.

Orikugyenda naagambuura bagyenzi be, agamba emibonano, Kwonka ow'omutima gw'obwesigwa tagigamba.

Ow'embabazi ayezimuurira ebirungi, Kwonka omunyamwaga ayesaasa.

Orikwesiga eitungo rye aryahotoka, Kwonka ohikiriire aryabengyeya nk'eibabi ribisi.

Eitungo tiriine ki rigasha aha izooba ry'ekiniga, Kwonka okuhikiirira kwiha omu kufa.

Obwesigwa bw'abahikiriire bubahabura, Kwonka obugobya bw'abarikureebya buryabacwekyereza.

Omukazi murungi otaine mutima Ni nk'empeta y'ezaabu ejwekirwe omu nyindo z'empunu.

Eminzani y'oburyarya n'ekirikunugwa ahari MUKAMA, Kwonka ebipimo by'amazima bimushemeza.