Enfumu 10
10
Enfumu ezirikumanyisa abahikiriire n'ababi
1 #
Enf 1:1; 17:25; 29:3, 15. Enfumu za Sulemaani.
Omwana w'obwengye ashemeza ishe;
Kwonka omwana omushema agwisa kubi nyina.
2 #
Enf 11:4; 21:6; Ezk 7:19. Obutungi oburugire omu bibi tibugira mugasho,
Kwonka okuhikiirira kujuna omuntu omu kufa.
3 #
Zab 34:9, 10; 112:10. MUKAMA tarireka bahikiriire kwitwa enjara,
Kwonka okwetenga kw'ababi akurwanisa.
4 #
Enf 13:4; 21:5. Engaro z'omweremwa zireeta obworo,
Kwonka ez'omweziriki zimutungisa.
5 #
Enf 6:6-8. Omwana oshaaruura omu kyanda aba aine obwengye,
Kwonka ogwejegyera omu igyesha aitsa enshoni.
6Emigisha eba aha mutwe gw'ohikiriire,
Kwonka akanwa k'omubi kashereka okukora kubi.
7 #
Zab 9:5; 112:6. Okwijuka ohikiriire kureeta omugisha,
Kwonka eiziina ry'omubi riryajunda.
8 #
Mat 7:24; 25. Omunyabwengye omu mutima ayeta aha biragiro,
Kwonka omushema engambi ya maingi aryagwa.
9 #
Enf 3:23; 28:18; Isa 33:15, 16; 1 Tim 5:25. Orikugyendera omu bwesigwa, naagyenda ahamire,
Kwonka orikwehabagiza aryamanywa.
10 #
Enf 6:13. Oitira abandi eriisho ateerana abantu,
Kwonka ohana butunu areeta obusingye.
11 #
Enf 13:14; Zab 36:9. Akanwa k'ohikiriire n'enshuro y'amagara,
Kwonka akanwa k'omubi kashereka okukora kubi.
12 #
Enf 17:9; 1 Pet 4:8. Okwangana kureeta okurwana,
Kwonka okukundana kushweka ebishobyo byona.
13 #
Enf 6:32; 19:29. Eminwa y'orikwetegyereza ereebekwaho obwengye,
Kwonka amabega g'otaine bwengye gaba ag'enkoni.
14Abanyabwengye babiika okumanya,
Kwonka omushema w'orurimi ayekururira okucwekyerera.
15 #
Enf 18:11. Eitungo ry'omutungi rimubeera orurembo rugumire;
Ekicwekyereza abooro n'obworo bwabo.
16 #
Enf 11:19; 19:23. Ebi ohikiriire akora bimureetera amagara;
Amagoba g'omubi gamureeteera okukora ekibi.
17 #
Enf 6:23. Okunda kuhaburwa aba ari omu muhanda gw'amagara,
Kwonka nyantagambirwa ahaba.
18Oshereka orwango, agira eminwa y'ebishuba,
Kandi obeiherera abandi aba ekifa-mutima.
19 #
Enf 17:27; Mat 12:36, 37; Yak 1:19; 3:2. Ebigambo bingi tibiburamu kushobya,
Kwonka oyerinda omu bi arikugamba, aba aine obwengye.
20Orurimi rw'ohikiriire n'efeeza etoorainwe,
Omutima gw'enkozi y'ebibi gugasha kakye.
21Eminwa y'ohikiriire egaburira baingi,
Kwonka abashema bafa, bazira okutagira bwengye.
22 #
Kut 24:35; Bir 8:18. Omugisha ogu MUKAMA aha, gutungisa abantu,
Kandi tagwongyeraho busaasi.
23Aha mushema, okukora kubi ni nk'omuzaano,
Kwonka orikwetegyereza eki ayesiimira n'okukora n'obwengye.
24 #
Yob 15:21; Zab 145:19; Isa 66:4; Mat 7:24-27. Eki omubi atiina kiryamuhikaho,
Kandi eki ohikiriire ayetenga aryakiheebwa.
25Omuyaga gw'akasooroora ku gurabaho, omubi ahwaho;
Kwonka ohikiriire aguma ahamire ebiro byona.
26Nk'oku viinyo erikushaarira ereeta amangigina,
Kandi nk'oku omwika gusaasa amaisho,
N'orikweganda nikwo aba aha barikumutuma.
27 #
Enf 3:2; Mub 7:17; Yob 15:32, 33. Okutiina MUKAMA kureeta okuhangaara,
Kwonka emyaka y'omubi eryacuubwaho.
28 #
Yob 8:13; Rom 5:2. Omuheru gw'amatsiko g'ohikiriire n'okushemererwa,
Kwonka amatsiko g'omubi garyabura.
29 #
Enf 21:15. MUKAMA n'orugo rugumire aha muntu ou omuhanda gwe gugororokire,
Kwonka aha nkozi z'ebibi n'okucwekyerera.
30 #
Zab 37:22, 29; 125:1. Ohikiriire tarihwaho na kakye,
Kwonka omubi tariguma mu nsi.
31 #
Zab 37:30. Akanwa k'ohikiriire karugwamu obwengye,
Kwonka orurimi orurikwehabagiza ruryacuubwaho.
32 #
Mub 10:12. Eminwa y'ohikiriire emanya ebirikusiimwa,
Kwonka akanwa k'omubi kagamba ebikiikami.
Currently Selected:
Enfumu 10: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
