Abagalatia 5

Okuhamya obusingye bw'Obukristaayo

1 # Byak 15:10. Kristo akatubohoorora ngu tugire obusingye; n'ahabw'ekyo mwemerere muhamire, mutagaruka mu nkomo y'obuhuuku.

2Reeba, nyowe Paulo nimbagambira nti: Ku muraikirize kusharwa, Kristo naaba atakibainiire mugasho. 3Ningaruka kuhamiza omuntu weena orisharwa, nti: Aine eibanja ry'okuhitsya ebiragiro byona. 4Imwe abarikwenda kwihwaho orubanja ahabw'Ebiragiro, mwecwire ahari Kristo, mwagwa mwaruga omu mbabazi. 5Kwonka itwe, ahabw'Omwoyo n'ahabw'okwikiriza kwaitu tutegyereize, kandi twine amatsiko g'okuheebwa okuhikiirira. 6#Gal 6:15. Mumanye ngu omuri Kristo Yesu okusharwa tikwine mugasho, n'obu kwakuba okutasharwa; ekiine omugasho buzima n'okwikiriza okurikukoresibwa okukunda. 7Ka mwabaire nimugyenda gye; n'oha owaabazibiire kworobera amazima? 8Okwohibwa oku tikurarugire ahari Ogwo owaabeetsire. 9#1 Kor 5:6. Ekitumbisa kikye kitumbya ekiihuro kyona. 10Nyowe nimbeesiga omuri Mukama ku mutariikiriza bindi ebitari byangye; kwonka ogwo orikubarabanisamu aryagyibwaho orubanja. 11#1 Kor 1:23. Beitu B'eishe-emwe, ku ndaabe ninkibuurira eby'okusharwa, ahabw'enki ninkihiigwa? Obwo enkongi y'omusharaba neeba eihirweho. 12Nkaayenzire ngu abo abarikubarabanisamu babarugyemu.

13 # 1 Pet 2:16. B'eishe-emwe, mukeetwa ngu mugire obusingye; kwonka obusingye obu mutabuhindura orwekwatso rw'okukora eby'okwetenga kw'omubiri, kureka okukunda kubagyeme kuheerezana. 14Ahakuba Ebiragiro bihikiirizibwa omu kigambo kimwe eki ngu: Kunda mutaahi waawe, nk'oku oyekunda. 15Kwonka ku muraabe nimurumana, mwaryana, mwerinde mutamaranaho.

Emirimo y'obuzaarwa bw'omubiri n'ebyana by'Omwoyo

16Kwonka nyowe ningira nti: Mugume mugyendere omu Mwoyo; obwo nibwo mutarihikiiriza eby'okwetenga kw'omubiri; 17#Rom 7:15, 23. ahakuba omubiri gurwanisa Omwoyo, kandi n'Omwoyo arwanisa omubiri; ahabw'okuba ebyo byombi birwanisana; n'ahabw'ekyo timurikubaasa kukora ki murikwenda. 18#Rom 8:14. Kwonka ku mwebemberwa Omwoyo, muba mutakitegyekwa Biragiro. 19Mbwenu emirimo y'obuzaarwa bw'omubiri neemanywa, niyo egi: obushambani, ebirikwitsa enshoni, okurigira okubi, 20okuramya ebishushani, okuroga, obuzigu, okurwana, eihari, ekiniga, empaka, okwebaganisamu, okurwanira orubanju, 21#Efe 5:5. okweangirana, obusinzi, okuraara enkyera, n'ebindi nk'ebyo. Nimbateisa, nk'oku naabateisize ira, nti: Abarikukora nk'ebyo tibarihungura bukama bwa Ruhanga. 22Kwonka ebyana by'Omwoyo nibyo ebi: okukunda, okushemererwa, obusingye, okugumisiriza, embabazi, oburungi, obwesigwa, 23#1 Tim 1:9. obucureezi, n'okwerinda; ebiri nk'ebyo tihariho kiragiro ekirikubizibira. 24#Rom 6:6; Kol 3:5. Kandi abo aba Kristo Yesu bakabamba aha musharaba omubiri n'emize yaagwo n'okwetenga kwagwo. 25Ku turaabe turiho ahabw'Omwoyo, ka tugyendere omu Mwoyo. 26#Fil 2:3. Turekye kwehimbisiza ahari busha, n'obu kwakuba okugwisana kubi, nari okugirirana amahari.

Currently Selected:

Abagalatia 5: RR64

Highlight

Copy

Compare