Abagalatia 6
6
Okugarura abagwire
1 #
Mat 18:15; Yak 5:19. B'eishe-emwe, omuntu ku araagwe omu kibi kyona, imwe ab'Omwoyo mumugarure n'omutima gw'obucureezi; omuntu weena omuriimwe ayerinde atategwa nkawe. 2Muhwerahwerane emitwaro yaanyu, mubone kuhikiiriza mutyo ekiragiro kya Kristo. 3Ahakuba omuntu orikweteekateekaho ngu n'ekintu, haza kunu ataine ku ari, naaba naayebeiha. 4#2 Kor 13:5. Ekirungi nikwo omuntu weena kugyeza omurimo gwe, akaba nigwo yaayehimbisizamu, kutari kwehimbisiza mu gwa mutaahi we. 5Ahabw'okuba omuntu weena aryayekorera omutwaro gwe wenka.
Omuntu okugyesha eki abibire
6 #
1 Kor 9:14. Orikwegyesibwa ekigambo ahe orikumwegyesa aha birungi byona, bakwataniise. 7Mutabeihwebeihwa; Ruhanga tagaaniizibwa; ahakuba ebi omuntu abiba nibyo agyesha. 8#Rom 8:13. Orikubibira omubiri gwe, omuri ogwo mubiri nimwo arigyesha okujunda; kwonka orikubibira Omwoyo, omu Mwoyo ogwo nimwo arigyesha amagara agatahwaho. 9#2 Tes 3:13. Mbwenu nu turekye kuruha omu kukora gye; ahakuba obunaku ku burihika, turyagyesha, ku turiba tutarikuhwa matsiko. 10N'ahabw'ekyo, obu tukiine omwanya, tukore gye abantu boona, kwonka okukira munonga abari omu nju y'okwikiriza.
11Mureebe enyuguta oku ziri mpango, ezi naabahandiikira n'omukono gwangye nyenka. 12#Gal 5:11. Boona abarikwenda kweyoreka ku bari gye omu by'omubiri, nibo babagyema kusharwa; babikunda ngu barekye kuhiigwa ahabw'omusharaba gwa Kristo. 13Kandi hoona n'abasharwa tibahitsya Biragiro; kwonka benda ngu musharwe, babone kwehimbisa ahabw'emibiri yaanyu. 14#1 Kor 2:2. Kwonka nyowe tindikwenda kwehimbisa habw'ekintu kyona, kureka ahabw'omusharaba gwa Mukama waitu Yesu Kristo, ogwareeteire ensi ahariinye kuba ebambirwe, kandi naanye ahariyo kuba obambirwe. 15#Fil 3:3. Ahakuba okusharwa ti kintu, n'obu kwakuba okutasharwa, kureka okuhinduka ekihangirwe kisya. 16Kandi boona abarikukuratira okuhabura oku, nibo Baisraeli ba Ruhanga, bagire obusingye n'okusaasirwa.
17 #
2 Kor 4:10. Okuruga hati hatarigira owaagaruka kundusya, ahabw'okuba nyine enkojo za Yesu aha mubiri gwangye.
18B'eishe-emwe, embabazi za Mukama waitu Yesu Kristo zigume n'emyoyo yaanyu. Amiina.
Currently Selected:
Abagalatia 6: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
