Popular Bible Verses from Abagalatia 5

Share

Kwonka ebyana by'Omwoyo nibyo ebi: okukunda, okushemererwa, obusingye, okugumisiriza, embabazi, oburungi, obwesigwa, obucureezi, n'okwerinda; ebiri nk'ebyo tihariho kiragiro ekirikubizibira.

Kwonka nyowe ningira nti: Mugume mugyendere omu Mwoyo; obwo nibwo mutarihikiiriza eby'okwetenga kw'omubiri

Ku turaabe turiho ahabw'Omwoyo, ka tugyendere omu Mwoyo.

Kandi abo aba Kristo Yesu bakabamba aha musharaba omubiri n'emize yaagwo n'okwetenga kwagwo.

Mbwenu emirimo y'obuzaarwa bw'omubiri neemanywa, niyo egi: obushambani, ebirikwitsa enshoni, okurigira okubi, okuramya ebishushani, okuroga, obuzigu, okurwana, eihari, ekiniga, empaka, okwebaganisamu, okurwanira orubanju, okweangirana, obusinzi, okuraara enkyera, n'ebindi nk'ebyo. Nimbateisa, nk'oku naabateisize ira, nti: Abarikukora nk'ebyo tibarihungura bukama bwa Ruhanga.

B'eishe-emwe, mukeetwa ngu mugire obusingye; kwonka obusingye obu mutabuhindura orwekwatso rw'okukora eby'okwetenga kw'omubiri, kureka okukunda kubagyeme kuheerezana.

ahakuba omubiri gurwanisa Omwoyo, kandi n'Omwoyo arwanisa omubiri; ahabw'okuba ebyo byombi birwanisana; n'ahabw'ekyo timurikubaasa kukora ki murikwenda.

Ahakuba Ebiragiro bihikiirizibwa omu kigambo kimwe eki ngu: Kunda mutaahi waawe, nk'oku oyekunda.

Turekye kwehimbisiza ahari busha, n'obu kwakuba okugwisana kubi, nari okugirirana amahari.

Kristo akatubohoorora ngu tugire obusingye; n'ahabw'ekyo mwemerere muhamire, mutagaruka mu nkomo y'obuhuuku.