Omubuurizi 7

Ezindi nfumu

1 # Mub 4:2; Enf 22:1. Okugira eiziina rirungi nikikira amajuta g'omugaju ag'obuguzi bwingi;

Eizooba ey'okufeeraho nirikira ery'okuzaarirwaho.

2Okuza omu ka erimu okucura

Nikikira okuza omu ka erimu obugyenyi;

Ahabw'okuba ekyo nigwo muheru gw'abantu bona,

Kandi abahuriire baryakigumya aha mutima.

3 # 2 Kor 7:10. Entimba y'aha mutima ekira ensheko,

Ahabw'okuba enaku z'ahamaisho zishemeza omutima.

4Omutima gw'omunyabwengye guba omu nju ei barikucuriramu;

Kwonka emitima y'abashema eba omu nju y'okwesiima.

5 # Zab 141:5. Haakiri omuntu okuhurira okuhana kw'abanyabwengye,

Okukira okuhurira ekyehsongoro ky'abashema;

6Ahakuba okusheka kw'omushema ni nk'amahwa

Agarikubarabarukira ahansi y'enyungu eteeka.

Ekyo nakyo ni busha.

7 # Kur 23:8. Buzimazima okuhata kuhindura omunyabwengye omushema,

Kandi enguzi eita obwengye.

8Omuheru gw'ekintu gukira okutanidka kwakyo;

Ow'omutima ogurikugumisiriza akira ow'omutima gw'amaryo.

9 # Enf 14:17, 29. Otarirahuka kugira ekiniga,

Ahabw'okuba ekiniga kituura omu mutima gw'abashema.

10Otagira oti: Ahabw'enki ebiro bya ira nibihita ebya hati?

Ahabw'okuba obwengye tibwo burikukureetera kubuuza otyo.

11Obwengye ni burungi waaba oine obuhunguzi,

Kandi nibugasira abakirikureeba eizooba.

12 # Enf 3:18. Ahabw'okuba obwengye n'obweshereko, nk'oku empiiha ziba obweshereko;

Kandi omugasho gw'okumanya n'obwengye bw'okurinda amagara g'obwine.

13 # Mub 1:15; 3:11; Isa 14:27. Yetegyereze omurimo gwa Ruhanga!

N'oha owaakubaasa kugorora eki yaakiikamize?

14Aha izooba ery'okuhiirwa, oshemererwe; n'aha izooba ry'akabi oteekateekye ku Ruhanga niwe yaabihangire byombi, ngu omuntu atarimanya ebiribaho atakiriho.

15 # Mub 6:12; 8:12-14. Ebyo byona nkabireeba omu biro by'amagara gangye g'enfabusha; hariho ohikiriire ofa ahabw'okuhikiirira kwe, kandi hariho omubi ohangaara ahabw'obubi bwe. 16#Rom 12:3. Otarengyesereza okuhikiirira, kandi oteehindura omunyabwengye orengyesereize. Nooyendera ki kwereetera okufa? 17#Yob 15:32; Enf 10:27. Otarengyesereza kuba mubi, kandi otaba omushema. Nooyendera ki kufa obunaku bwawe butakahikire? 18Ni kirungi okuhamyaho kimwe, n'ekindi okutakireka; ahabw'okuba orikutiina Ruhanga aryaruga gye omuri ebyo byona.

19 # Mub 9:16, 18; Enf 21:22. Obwengye bureetera omunyabwengye amaani okukira abategyeki ikumi abari omu rurembo. 20#1 Bag 8:46; Rom 3:23; 1 Yoh 1:8. Buzimazima tihariho ohikiriire omu nsi okora gye, atashiishe na kakye. 21Kandi otarita omutima aha bigambo by'abantu, nyentsya otakaahurira omuhuuku waawe naakujuma; 22ahakuba naiwe noomanya omu mutima gwawe kaingi ku okyeena abandi.

23Ebyo byona nkabihamya ahabw'obwengye. Nkagira nti: Ndyaba omunyabwengye, kwonka bwamba hare. 24#Yob 28:12; Rom 11:33; 1 Tim 6:16. Ekyo kiri hare munonga okuzimu; n'oha owaakubaasa kukizoora? 25Bwanyima naahinduka, naamariirira omu mutima gwangye kumanya, kucondooza, kusherura obwengye, kwehanuuza ebintu, n'okumanya obubi bw'obushema, n'obushema oku buri eiraro. 26#Enf 5:4; 22:14; 23:28. Naagaruka naareeba ekintu ekirikukira rufu obushaarizi, niwe mukazi ou omutima gwe guri omutego n'ekigoye, kandi n'emikono ye eri enkomo. Orikushemeza Ruhanga niwe arimukira; kwonka omusiisi, ogwo mukazi aryamukwata. 27Omubuurizi yaagaruka yaagira ati: Reeba, eki nikyo naaboine, ahabw'okuteerana ekintu n'ekindi, ngu ndeebe oku birikwingana, 28#1 Bag 11:3. eki omutima gwangye gusherwire kaingi, kwonka eki ntakareebire. Omu bashaija rukumi nkareebamu omwe, kwonka omu bakazi boona tindaboinemu n'omwe. 29#Kut 1:27; 3:6, 7. Reeba, eki kyonka nikyo naareebire, ngu Ruhanga akahanga omuntu agororokire, kwonka abantu baayesherurira bingi ebi baayegunziire.

Currently Selected:

Omubuurizi 7: RR64

Highlight

Copy

Compare