Omubuurizi 8

Eby'obwengye n'okutegyeka okuhikire

1N'oha ori nk'omunyabwengye?

Kandi n'oha orikumanya ekintu oku kirikushoboororwa?

Obwengye bw'omuntu bureetera aha maisho ge kushemuuka,

Bumaraho emifunya.

2 # Kur 22:11; 1 Bag 2:42, 43. Ninkuhabura, oyorobere ekiragiro ky'omugabe, kandi ahabw'endahiro ei waarahiire ahari Ruhanga otarihahaaza omutima; 3#Mub 10:4. ruga omu maisho ge, oteeziringa eki yaakuragiira, n'obu kiraabe kitarikukushemeza; ahabw'okuba akora eki arikwenda kyona. 4Manya, ekigambo ky'omugabe kigira obushoboorozi. N'oha owaakwehanga kumugira ati: Ekyo nookora ki? 5Orikworobera ekiragiro, tarihikwaho kabi; kandi omutima gw'omunyabwengye gumanya obunaku buhikire, n'oburyo bw'okukoreramu; 6#Mub 3:1, 17. ahabw'okuba ekintu kyona kigira obunaku bwakyo n'oburyo obu kishemereire kukorwamu, omuntu n'obu araabe ahendwa obusaasi bwe. 7#Mub 10:14. Ahabw'okuba tamanya biribaho; mbwenu n'oha owaakubaasa kumugambira oku biriba? 8#Yob 14:5; Zab 49:6, 7. Tihariho muntu oine obushoboorozi bw'okutegyeka omuyaga, n'obu kwakuba okwemereza eizooba rya rufu; omuri orwo rugamba tihabaho kuraga, kandi owaayehaireyo kukora ebibi, tibirimujuna. 9#Mub 1:13. Ebyo byona nkabireeba, obu naata omutima gwangye aha kumanya ebirikukorwa ahansi y'eizooba, omuntu naayekuriza ahari mugyenzi we kumukora kubi.

10Bwanyima nkareeba ababi nibaziikwa, nibaza okuzimu; kwonka abaakozire gye baaruga omu Mwanya ogurikwera, baayeba omu rurembo. Ekyo nakyo ni busha. 11#Est 7:5; Zab 50:21; Rom 2:4, 5; 2 Pet 3:9. Ahabw'ekifubiro ky'ekibi kutaija juba, nikyo emitima y'abantu emariiririra kukora ebibi. 12#Mub 7:15; Bir 12:25; Isa 3:10; 65:20. Omusiisi n'obu akora ebibi emirundi igana, akahangaara, kwonka nimmanyira kimwe ngu abatuura omu maisho ga Ruhanga nibamutiina nibo bariba gye; 13#Mub 6:12; Yob 14:2; Isa 3:11. kwonka omubi we tariba gye, n'obu kwakuba okwongyera aha biro bye ebiri nk'ekicuucu, ahabw'okuba tatiina Ruhanga.

14 # Yob 21:7; Zab 73:3, 12; Yer 12:1. Hariho busha obundi obubaho omu nsi; hariho abahikiriire abahikwaho ebyakushemereire ebi ababi bakora, kandi hariho ababi abahikwaho ebyakushemereire ebi abahikiriire bakora. Nikwo kugira nti: Ekyo nakyo ni busha. 15#Mub 2:24. Ntyo naasiima okweruhuura; ahabw'okuba tihariho ekirikukirira omuntu okurya n'okunywa n'okweruhuura; ahakuba ebyo nibyo ariguma nabyo omu kufa kubi kwe ebiro byona ebi Ruhanga amuhaire kumara ahansi y'eizooba.

16Ku naataire omutima aha kumanya obwengye n'okureeba emirabanamu eri aha nsi, (ahabw'okuba hariho abatagwejegyera na kakye nyomushana na nyekiro,) 17#Mub 3:11; Zab 73:16; Enf 25:2. bwanyima naayetegyereza emirimo ya Ruhanga yoona, naashanga omuntu atarikubaasa kushoborokyerwa murimo gwona ogukorwa ahansi y'eizooba. Omuntu n'obu yaakufa kubi ata kwenda kugumanya, takaagushoborokyerwa; nangwa n'obu omunyabwengye yaakugira ngu naagumanya, kwonka taribaasa kugumanya.

Currently Selected:

Omubuurizi 8: RR64

Highlight

Copy

Compare