Omubuurizi 6

Omuheru gw'ebintu byona n'okufa

1 # Mub 5:13. Hariho ekibi eki naareebire ahansi y'eizooba, kandi ekituura kiremereire abantu, 2#1 Bag 3:13; Luk 12:19, 20. niwe muntu ou Ruhanga ahaire eitungo n'ebintu n'ekitiinisa, ataine kintu kyona eki arikwetenga, kwonka akamwima okubishemerererwamu, kureka omunyaihanga akaba niwe yaabishemerererwamu. Ekyo nakyo ni busha, kandi n'okubonabona kw'obusaasi. 3#Mub 4:3; 2 Bag 9:35; Isa 14:19, 20; Yer 22:19. Omuntu okuzaara abaana igana, akahangaara emyaka mingi, ebiro by'amagara ge bikakanya, kwonka omutima gwe gutahaagye birungi, akabura kiziika, ningira ngu omuntu ogwo naakirwa enda erugiremu; 4ahakuba egyo nda erugamu etari kintu, eza omu mwirima, gushweka eiziina ryayo, 5kandi eba etakareebaga izooba n'obu kwakuba okumanya ekintu kyona; n'obu eraabe eba etyo, etunga obuhuumure okukira ogwo muntu. 6N'obu yaakuhangaara emyaka rukumi kabiri, atarikushemerererwa birungi, timurikumanya ngu byona biza omu mwanya gumwe?

7 # Enf 16:26. Okufa kubi kwona oku omuntu afa kubi, aba naahendekyera enda ye, kwonka tahaaga. 8#Mub 2:15. Omunyabwengye naakiza ki omushema? Kandi omworo naakiza ki omuntu mukuru orikumanya kutwaza gye omu maisho g'abantu? 9Okushemerererwa ebi orikureeba nikikira okugama noozengyereza omutima aha bi orikwetenga. Ekyo nakyo ni busha n'okwitanira omuyaga.

10 # Mub 1:10; 3:15; Yob 9:32; Isa 45:9; 1 Kor 10:22. Ekiriho kyona kikeetwa eiziina ira; oku omuntu ari hati kukamanywa ira, kandi tarikubaasa kuhakanisa Orikumukiza amaani. 11Ebigambo ku byongyera kukanya, busha nayo ekanya; mbwenu ekyo omuntu kimwongyeraho ki? 12#Mub 3:22; 8:13; Yob 14:2. N'oha owaakumanya ebishemereire kugirira omuntu omugasho akiriho ebiro byona eby'amagara ge agataine ku gari, agarikuhinguraho nk'ekicuucu? N'oha owaakugambira omuntu ebiribaho ahansi y'eizooba yaarugireho?

Currently Selected:

Omubuurizi 6: RR64

Highlight

Copy

Compare