Popular Bible Verses from Omubuurizi 7

Share

Otarirahuka kugira ekiniga, Ahabw'okuba ekiniga kituura omu mutima gw'abashema.

Aha izooba ery'okuhiirwa, oshemererwe; n'aha izooba ry'akabi oteekateekye ku Ruhanga niwe yaabihangire byombi, ngu omuntu atarimanya ebiribaho atakiriho.

Omuheru gw'ekintu gukira okutanidka kwakyo; Ow'omutima ogurikugumisiriza akira ow'omutima gw'amaryo.

Buzimazima tihariho ohikiriire omu nsi okora gye, atashiishe na kakye.

Ahabw'okuba obwengye n'obweshereko, nk'oku empiiha ziba obweshereko; Kandi omugasho gw'okumanya n'obwengye bw'okurinda amagara g'obwine.

Okugira eiziina rirungi nikikira amajuta g'omugaju ag'obuguzi bwingi; Eizooba ey'okufeeraho nirikira ery'okuzaarirwaho.

Haakiri omuntu okuhurira okuhana kw'abanyabwengye, Okukira okuhurira ekyehsongoro ky'abashema

Okuza omu ka erimu okucura Nikikira okuza omu ka erimu obugyenyi; Ahabw'okuba ekyo nigwo muheru gw'abantu bona, Kandi abahuriire baryakigumya aha mutima.

Omutima gw'omunyabwengye guba omu nju ei barikucuriramu; Kwonka emitima y'abashema eba omu nju y'okwesiima.