2 Abatesalonika 2
2
Orugamba rw'Omuzigu wa Kristo
1Ebirkukwata aha by'ikwija kwa Mukama waitu Yesu Kristo n'okuteerana kwaitu okumubugana, nitubeeshengyereza, B'eishe-emwe, 2mutarahuka kuhahaaza emitima mukabura obwengye, mutajagarazibwa yaaba mwoyo nari ekigambo nari ebaruha, ei barikugira ngu ekahandiikwa itwe, ebirikuranga ngu ekiro kya Mukama kiiriire haihi. 3#1 Yoh 2:18. Hatagira omuntu owaababeihabeiha omu muringo gwona; ahakuba ekiro ekyo tikiriija, hatakabandize kubaho okutaana na Ruhanga, omuntu ogwo omugomi akashuuruurwa, niwe mwana w'okuhwerekyerera, 4#Ezk 28:2. kandi omuzigu oyetunguura, akarwanisa ekintu kyona ekyetwa Ruhanga nari ekiramibwa, akashutama omuri hekalu ya Ruhanga, naayeyeta Ruhanga. 5Timurikwijuka ku naabagambiire ebyo, nkiri owaanyu? 6Kandi nimumanya ekirikumuzibira hati n'eki, ngu arekye kushuuruurwa obunaku bwe butakahikire. 7Ahakuba enaama y'obugomi na mbwenu etandikire kukora; kwonka orikuzibira hati naija kugumizamu okuhitsya obu ariihwaho. 8#Kush 19:15, 20. Obwo, omugomi ogwo aryashuuruurwa, kandi Mukama waitu Yesu araymwitsa orwoya rw'omu kanwa ke, amuhwerekyereze n'okumurinkana kw'ekitiinisa ky'okwija kwe. 9#Mat 24:24. Omugomi ogwo oriija ahabw'amaani ga Sitaane, aryaija n'obushoboorozi bwona, n'obumanyiso n'eby'okutangaaza by'ebishuba, 10n'obugobya bwona obubi obw'okuhabya ab'okuhwerekyerera, ahabw'okuba bakanga kukunda amazima ngu bajumwe. 11#2 Tim 4:4. Nikyo Ruhanga arikubooherereza ekirikuhabya eky'amaani kubaikiririsa eby'ebishuba, 12ngu boona abatarikiriize mazima, bakashemerererwa okutahikiirira, basingwe orubanja.
Paulo okugumya ab'eishe-emwe
13 #
Efe 1:4. Kwonka kitushemereire kusiima Ruhanga obutoosha ahabwanyu, B'eishe-emwe abarikukundwa Mukama, ahakuba Ruhanga akabatooranira okujunwa iranaira ahabw'okwezibwa Omwoyo n'okwikiriza amazima. 14Nikyo yaabeeteire n'engiri yaitu, ngu mutungye ekitiinisa kya Mukama waitu Yesu Kristo. 15N'ahabw'ekyo, B'eishe-emwe, mwemerere muhamire, mugumye emitwarize ei twabeegyeise, yaaba mu bigambo, nari omu baruha zaitu.
16Kandi Mukama waitu Yesu Kristo na Ruhanga Tataitwe, owaatukunzire akatuha okuhuumura okutahwaho n'amatsiko marungi ahabw'embabazi ze, 17ahuumuze emitima yaanyu, agigumye gye omu mirimo yoona emirungi n'ebigambo byona ebirungi.
Currently Selected:
2 Abatesalonika 2: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
