2 Abatesalonika 3
3
1 #
Kol 4:3. Eky'aha muheru, B'eishe-emwe, mutushabire, ekigambo kya Mukama kirahukye kubuga, nikiheebwa ekitiinisa, nk'oku kyabaire omuriimwe, 2kandi naitwe tukire abantu babi abahabire; ahakuba abaine okwikiriza ti boona. 3#1 Tes 5:24. Kwonka Mukama waitu n'ow'okwesigwa; aryabagumya, kandi abarinde Omubi. 4#Gal 5:10. Kandi hoona twine obwesigye omuri Mukama ahabwanyu, ngu nimukora ebi turikubaragiira, kandi nimwija kugumizamu nimubikora. 5Mukama waitu atebeekanise emitima yaanyu omu kukunda kwa Ruhanga n'omu kugumisiriza kwa Kristo.
Okurwanisa obweremwa
6 #
Mat 18:17. Mbwenu nitubaragiira, B'eishe-emwe, omu iziina rya Mukama waitu Yesu Kristo, mwetantare ow'eishe-emwe weena omweremwa, otarikukuratira mitwarize ei mwatwegireho. 7#Fil 3:17. Ahakuba naimwe ahabwanyu nimumanya oku mushemereire kutooreza emitwarize yaitu; obu twabaire turi owaanyu, tituragyendeire mu bweremwa, 8#1 Kor 4:12. titurariiriire busha by'okurya by'omuntu weena, kureka tukaba tukora munonga twecurenga nyomushana na nyekiro, ngu tutagira ou twarusya omuriimwe; 9ti habw'okugira ngu tukaba tutashemereire kubikorerwa, kwonka tukenda ngu tube eky'okureeberaho, mubone kutooreza emitwarize yaitu. 10#1 Tes 4:11. Nangwa n'obu twabaire tukiri owaanyu, tukabaragiira tuti: Omuntu weena ku araabe atarikwenda kukora, arekye n'okurya. 11Ahakuba tuhuriire ngu omuriimwe harimu abeeremwa abatarikukora na kakye, kureka okwetaasya omu by'abandi. 12Abantu nk'abo nitubaragiira, kandi nitubeehanangiriza omuri Mukama waitu Yesu Kristo kukora emirimo yaabo batuurize, babone kugira eby'okubatunga. 13#Gal 6:9. Kwonka imwe, B'eishe-emwe, murekye kuruha omu kikora gye.
14Omuntu weena otarikuhurira eki turikugamba omu baruha egi, mumumanye, mutakwatanisa nawe, abone kukwatwa enshoni. 15Kwonka mutamuteekateekaho nk'omuzigu, kureka mumuhabure nk'ow'eishe-emwe.
16Kandi Mukama w'obusingye we wenka agume abahe obusingye ebiro byona n'omu miringo yoona. Mukama agume naimwe mwena. 17Nyowe Paulo, naahandiika endamutsyo egi n'omukono gwangye nyenka. Niko kamanyiso omu baruha yangye yoona; okwo nikwo mpandiika. 18Embabazi za Mukama waitu Yesu Kristo zigume naimwe mwena.
Currently Selected:
2 Abatesalonika 3: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964
