2 Abatesalonika 1
1
1Paulo na Siluwaano na Timoseo twabahandiikira imwe ab'ekanisa y'Abatesalonika abari omuri Ruhanga Isheboona na Mukama waitu Yesu Kristo; 2nitubendeza embabazi n'obusingye ebirikuruga ahari Ruhanga Tataitwe na Mukama waitu Yesu Kristo.
Okucwa orubanja aha kiro ky'okwija kwa Mukama waitu
3 #
1 Tes 1:2, 3. Kitushemereire kusiima Ruhanga obutoosha, ahabwanyu, B'eishe-emwe, nk'oku kishemereire, ahabw'okuba okwikiriza kwanyu nikweyongyera munonga, kandi n'okukunda kwa buri omwe omuriimwe oku murikukundana ni kwingi buzima. 4#Kush 1:9. N'ahabw'ekyo naitwe nitwehimbisa ahabwanyu omu makanisa ga Ruhanga, nitusiima okugumisiriza kwanyu n'okwikiriza kwanyu omu kuhiigwa n'omu kubonabona ebi mwemeire; 5#1 Tes 2:12. (ebyo nibyoreka ku Ruhanga acwa emanja z'oburyo,) ngu mubone kuteekateekwa kuba abashemereire obukama bwa Ruhanga, obu murikubonabonera; 6#Kush 18:6, 7. ahabw'okuba Ruhanga naateekateeka ngu kihikire okwihura obusaasi abarikubasaasa, 7#Mat 25:31. n'okuha imwe abarikushaasha okuhuumura naitwe, Mukama waitu Yesu ku arishuuruurwa naaruga omu iguru na baamaraika be ab'amaani, 8#Rom 2:8; Isa 66:15. ari omu muriro ogurikwaka, okuhoora enzigu abatarikumanya Ruhanga n'abarikwanga kworobera engiri ya Mukama waitu Yesu. 9#Isa 2:10. Abo baryaheebwa ekifubiro eky'okuhwerekyerera okw'ebiro n'ebiro, babingwe omu maisho ga Mukama n'omu kitiinisa ky'obushoboorozi bwe, 10#Kol 3:4; Zab 89:7. ku ariija aha izooba eryo kuhimbisibwa omu barikwera be, n'okutangaarirwa ahabw'abaamwikiriize boona, ahakuba obujurizi bwaitu obu twabahaire bukaikirizibwa. 11Nikyo tubashabirira obutoosha, ngu Ruhanga waitu abaikirize okuba abashemereire okweta kwe, kandi ahikiirize n'amaani ge ebirungi byona ebi murikwetenga n'emirimo y'okwikiriza, 12#Isa 66:5. eiziina rya Mukama waitu Yesu ribone kuhimbisibwa omuriimwe, naimwe omuriwe, nk'embabazi za Ruhanga waitu na Mukama waitu Yesu Kristo oku ziri.
Currently Selected:
2 Abatesalonika 1: RR64
Highlight
Copy
Compare
Share
Want to have your highlights saved across all your devices? Sign up or sign in
The Bible in Runyankore-Rukiga © United Bible Societies, 1964