Popular Bible Verses from 2 Abatesalonika 2

Share

Hatagira omuntu owaababeihabeiha omu muringo gwona; ahakuba ekiro ekyo tikiriija, hatakabandize kubaho okutaana na Ruhanga, omuntu ogwo omugomi akashuuruurwa, niwe mwana w'okuhwerekyerera

Kwonka kitushemereire kusiima Ruhanga obutoosha ahabwanyu, B'eishe-emwe abarikukundwa Mukama, ahakuba Ruhanga akabatooranira okujunwa iranaira ahabw'okwezibwa Omwoyo n'okwikiriza amazima.

kandi omuzigu oyetunguura, akarwanisa ekintu kyona ekyetwa Ruhanga nari ekiramibwa, akashutama omuri hekalu ya Ruhanga, naayeyeta Ruhanga.

Kandi Mukama waitu Yesu Kristo na Ruhanga Tataitwe, owaatukunzire akatuha okuhuumura okutahwaho n'amatsiko marungi ahabw'embabazi ze, ahuumuze emitima yaanyu, agigumye gye omu mirimo yoona emirungi n'ebigambo byona ebirungi.

Nikyo Ruhanga arikubooherereza ekirikuhabya eky'amaani kubaikiririsa eby'ebishuba

Omugomi ogwo oriija ahabw'amaani ga Sitaane, aryaija n'obushoboorozi bwona, n'obumanyiso n'eby'okutangaaza by'ebishuba, n'obugobya bwona obubi obw'okuhabya ab'okuhwerekyerera, ahabw'okuba bakanga kukunda amazima ngu bajumwe.

Ahakuba enaama y'obugomi na mbwenu etandikire kukora; kwonka orikuzibira hati naija kugumizamu okuhitsya obu ariihwaho.