2 Abakorinso 4

Engiri ya Kristo nk'Omushana

1N'ahabw'ekyo, nk'oku tuhairwe obuheereza obu ahabw'embabazi za Ruhanga, titurikuhwa matsiko. 2#1 Tes 2:5. Tukanga eby'enshoni ebirikukorerwa omu mwirima, titurikugyendera omu bugobya, n'obu kwakuba okuhindura okundi ekigambo kya Ruhanga; kureka tworeka amazima, ngu omuntu weena atusiimise omutima omu maisho ga Ruhanga. 3#1 Kor 1:18. Kwonka engiri ei tugamba ku eraabe etwekyereirwe, etwekyereirwe aha barikuhwerekyerera; 4#Efe 2:2; 2 Tes 2:11. nibo batarikwikiriza, abu ruhanga ow'ensi egi yaahumize emitima, ngu omushana gw'engiri y'ekitiinisa kya Kristo, niwe kishushani kya Ruhanga, gutabaakira. 5Mumanye ngu titurikwegambaho nk'abakama, kureka nitugamba Yesu Kristo ku niwe Mukama, kandi itwe turi abahuuku baanyu ahabwa Yesu. 6Ahakuba Ruhanga, owaaragiire ati: Omushana gujwe omu mwirima, Ogwo niwe yaajwire omu mitima yaitu kutuha okuhsoborokyerwa ekitiinisa kya Ruhanga ekirikureeberwa omuri Yesu Kristo.

Obusaasi bw'Entumwa

7 # 1 Kor 1:26, 31. Kwonka obutungi obu tubwine omu nyabya z'eibumba, okworeka ngu amaani agarikukirira kimwe n'aga Ruhanga, ti gaitu. 8#2 Kor 7:5. Tukubirwe embaju zoona, kwonka titufunziibwe; nitushoberwa, kwonka titurikuhwa matsiko; 9nituhiigwa, kwonka titurikutsigwaho; twikarirwa, kwonka titugwaho; 10obutoosha tugyenda twine okufa kwa Yesu omu mibiri yaitu, ngu amagara ge gareebekyere omu mibiri yaitu. 11#Rom 8:36. Ahakuba itwe abahuriire tuheebwayo obutoosha okufa ahabwa Yesu, ngu amagara ga Yesu goorekwe omu mibiri yaitu erikufa. 12N'ahabw'ekyo okufa kukorera omuriitwe, kwonka amagara gakorera omuriimwe.

13 # Zab 116:10. Nk'oku twine omwoyo gw'okwikiriza nk'ogw'ogwo owaahandiikire ati: Nkaikiriza, nikyo naagambiire, naitwe nitwikiriza, nikyo turikugambira; 14#1 Kor 6:14. ahakuba nitumanya ngu Owaazoire Mukama waitu Yesu aryatuzoora hamwe nawe, atuhitsye omu maisho ge hamwe naimwe. 15Ahakuba byona biri ahabwanyu, ngu, nk'oku emababazi zibugire omu bantu abarikweyongyera kuba baingi, zibe nikwo zaakanyisa okusiima, Ruhanga abone kuhimbisibwa.

16 # Efe 3:16. N'ahabw'ekyo titurikuhwa matsiko. N'obu omuntu waitu w'aharuguru ahwaho, kwonka omuntu waitu ow'omunda ahindurwa musya obutoosha. 17#Rom 8:18. Mumanye ngu obusaasi bwaitu bukye, obw'omwanya mukye ogu, bweyongyera obutoohsa kututeekateekyera ekitiinisa kingi munonga ekitahwaho, 18#Heb 12:27. itwe ku tuba tutahangire maisho ebirikureebwa, kureka ebitarikureebwa; ahakuba ebirikureebwa n'eby'okuhwaho juba, kwonka ebitarikureebwa n'eby'ebiro byona.

Currently Selected:

2 Abakorinso 4: RR64

Highlight

Copy

Compare