2 Abakorinso 5

1 # 2 Pet 1:13. Nitumanya ngu enju yaitu ey'orusiisira, ei tutuuramu omu nsi egi, ku erisheenywa, twine ekyombeko ekirikuruga ahari Ruhaga, enju ey'omu iguru, etombekirwe mikono, ey'ebiro n'ebiro. 2#Rom 8:23. N'ekya buzima omuri egi nitutsinda, nitwetenga kujwara eyaitu ey'omu iguru, 3ku turiba nitugijwekwa, turekye kushangwa tujwaire busha. 4#1 Kor 15:53. Ahakuba itwe abakiri omu nju egi ey'orusiisira nitutsinda turemeirwe, ti habw'okwenda kujuurwa, kureka okwongyera kujwekwa, ngu eky'okufa kimirwe amagara. 5Kandi owaatuteekateekyeire ekyo ni Ruhanga, kandi niwe yaatuhaire omukwato gw'Omwoyo. 6#Heb 11:13. Ekyo nikyo kitugumya omutima obutoosha; nitumanya ngu ku tuba tukiri owaitu omu mubiri, tuba turi hare na Mukama waitu; 7(ahakuba tugyenda ahabw'okwikiriza, ti habw'okureeba.) 8#Fil 1:23. Tuguma omutima; kwonka eki turikukira kukunda n'eki, okutaana n'omubiri, tukataaha omuka owa Mukama waitu. 9Nikyo twezirikira kumushemeza, yaaba turi owaitu omuka, yaaba tutariyo. 10#Rom 2:16. Mumanye ngu twena tushemereire kwemerera omu maisho g'ekitebe kya Kristo eky'okucweraho emanja, ngu omuntu weena abone kuheebwa ekishemereire ebi yaakozire omu mubiri, yaaba kirungi nari kibi.

11Ahabw'okumanya ku Mukama aba ow'okutiinwa, twikiririsa abantu; kwonka Ruhanga niwe amanya oku turi; kandi nyine amatsiko ngu naimwe nimumanya oku turi omu mitima yaanyu. 12Titurikugaruka kwehimbisa ahariimwe, kureka nitubaha oburyo bw'okwehimbisa ahabwaitu, ngu mubaase kugarukamu abarikwehimbisiza aha birikureebwa kwonka, bitari by'omu mutima. 13Ku turaabe tugwire eiraro, turigwire ahabwa Ruhanga; ku turaabe tuhuriire, tuhuriire ahabwanyu. 14Ahakuba okukunda kwa Kristo nikwo kutugyema, nitumanyira kimwe ngu Omwe akafeera boona; nahabw'ekyo boona bakafa. 15#Rom 14:7, 8. Kandi eki yaafeereire ahabwa boona n'eki; akafa ngu abariho barekye kuguma bariho ahabwabo bonka, kureka ahabw'Ogwo owaabafeereire akabazookyera.

Entumwa za Kristo okuteerana hamwe abantu na Ruhanga

16Mbwenu okuruga hati titukimanya muntu weena omu buzaare bw'omubiri. N'obu turaabe twamanyire Kristo, nk'oku abantu baamumanyire, mbwenu titukimumanya tutyo. 17#Gal 6:15. N'ahabw'ekyo omuntu weena, ku aba ari omuri Kristo, aba ari ekihangirwe kisya; ebya kare biba bihweire, reeba byona biba bihindukire bisya. 18#Rom 5:10. Kwonka byona biruga ahari Ruhanga, owaatwegaruririire omuri Kristo, akatuha omurimo gw'okugarukanisa abantu na Ruhanga; 19#Kol 1:20. ekirikushoboororwa ngu Ruhanga akaba ari omuri Kristo naayegarurira abari omu nsi, atakibabarira by'okushiisha byabo, kandi naitwe yaatukwatsa ekigambo ky'okugarukanisa okwo. 20Mbwenu turi entumwa omu mwanya gwa Kristo, Ruhanga naashusha nk'orikweshengyereza abantu omuriitwe. Naitwe nitubeeshengyereza omu iziina rya Kristo, mugarukane na Ruhanga; 21#Gal 3:13; 1 Kor 1:30; Fil 3:9. ahakuba Ogwo otaramanyire kibi Ruhanga akamuhindura ekibi ahabwaitu, ngu omuriwe tuhindukye okuhikiirira kwa Ruhanga.

Currently Selected:

2 Abakorinso 5: RR64

Highlight

Copy

Compare