Popular Bible Verses from 2 Abakorinso 4

Share

itwe ku tuba tutahangire maisho ebirikureebwa, kureka ebitarikureebwa; ahakuba ebirikureebwa n'eby'okuhwaho juba, kwonka ebitarikureebwa n'eby'ebiro byona.

N'ahabw'ekyo titurikuhwa matsiko. N'obu omuntu waitu w'aharuguru ahwaho, kwonka omuntu waitu ow'omunda ahindurwa musya obutoosha. Mumanye ngu obusaasi bwaitu bukye, obw'omwanya mukye ogu, bweyongyera obutoohsa kututeekateekyera ekitiinisa kingi munonga ekitahwaho

Tukubirwe embaju zoona, kwonka titufunziibwe; nitushoberwa, kwonka titurikuhwa matsiko; nituhiigwa, kwonka titurikutsigwaho; twikarirwa, kwonka titugwaho

Kwonka obutungi obu tubwine omu nyabya z'eibumba, okworeka ngu amaani agarikukirira kimwe n'aga Ruhanga, ti gaitu.

nibo batarikwikiriza, abu ruhanga ow'ensi egi yaahumize emitima, ngu omushana gw'engiri y'ekitiinisa kya Kristo, niwe kishushani kya Ruhanga, gutabaakira.

Ahakuba Ruhanga, owaaragiire ati: Omushana gujwe omu mwirima, Ogwo niwe yaajwire omu mitima yaitu kutuha okuhsoborokyerwa ekitiinisa kya Ruhanga ekirikureeberwa omuri Yesu Kristo.