2 Abakorinso 3

Abaheereza b'Endagaano nsya

1 # 2 Kor 5:12; Byak 18:27. Nimugira ngu twatandika kugaruka kwehimbisa? Nari shi, nitwetenga ebaruha z'okutusiimisa, ezi muhandiikiirwe, nari ezi muhandiikire, nk'oku abandi beetenga? 2#1 Kor 9:2. Imwe mwenak niimwe baruha y'okutusiimisa, ehandiikirwe omu mitima yaanyu, erikumanywa kandi ekashomwa abantu boona; 3#Kur 24:12; Ezk 11:19. kandi nimureebeka muri ebaruha ya Kristo ei yaatuhandiikise, etahandiikirwe na bwino, kureka n'Omwoyo wa Ruhanga ohuriire, hatari ha bishate by'amabaare, kureka aha mbari z'emitima y'abantu.

4Obu nibwo bwesigye obu twesiga Ruhanga ahabwa Kristo; 5ahakuba itwe titwine ki turikwebaasiza twenka, kuteekateeka ekintu kyona ngu niitwe kirugireho; kureka okubaasa kwaitu kuruga ahari Ruhanga, 6#Yer 31:31; Yoh 6:63. niwe yaatubaasiise kuba abaheereza b'endagaano nsya, etari y'ebihandiiko, kureka ey'Omwoyo; ahakuba ey'ebihandiiko eita, kwonka Omwoyo areeta amagara.

7 # Kur 34:30. Nimumanya ngu obuheereza oburikureeta okufa okw'omu bihandiiko ebyatonirwe aha bishate by'amabaare, bukaija n'ekitiinisa kingi, n'okuzibira kyazibira Abaisraeli kureeba ahamaisho ga Musa ahabw'okumurinkana kwago, okwabaire kuri okw'okuhwaho; 8nimugira ngu obuheereza obw'Omwoyo tiburiija n'ekitiinisa ekirikukiraho? 9#Rom 1:17. N'ahabw'ekyo obuheereza oburikusingisa orubanja ku buraabe bwagizire ekitiinisa, obuheereza oburikuhaisa okuhikiirira buryagira ekitiinisa ekirikukiraho. 10#Kur 34:29. Mbwenu obuheereza, obwabaire bwine ekitiinisa, tibukikiine, ahabw'okuba ekitiinisa kyabwo kikamarwaho eky'obwo oburikubukira. 11Oburikuhwaho ku buraabe bwagizire ekitiinisa, obutahwaho buryagira ekitiinisa ekirikukiraho.

12Nk'oku twine amatsiko agarikwingana gatyo, nitugamba n'obumanzi bwingi; 13#Kur 34:33, 35. ti nka Musa oku yaataire key'okwetwekyerera ahamaisho ge, ngu Abaisraeli batareeba omuheru gw'ekitiinisa ekyabaire nikihwaho. 14#Rom 11:25. Kwonka emitima yaabo ekagangaazibwa; ahakuba n'okuhitsya eri izooba ku bashoma endagaano eya ira, hoona eky'okwetwekyerera ekyo kigumaho kitashuurwirwe; ahabw'okuba omuri Kristo wenka nimwo kiihirwaho; 15ahakuba obutoosha ku bashoma ebya Musa, eky'okwetwekyerera ekyo kiguma aha mitima yaabo n'okuhitsya hati. 16#Rom 11:23, 26. Kwonka omuntu ku ahindukira Mukama, eky'okwetwekyerera ekyo kiihwaho. 17#Yoh 8:36; Rom 8:2. Mbenu Mukama waitu niwe Mwoyo; kandi ahu Omwoyo wa Mukama ari, niho obusingye buri. 18Itwe twena ku turaabe nitworeka ekitiinisa kya Mukama ahamaisho gaitu, twaba nk'endeeberwamu, obwo ahamaisho gaitu ahatatwekyereire, tuguma nituhindurwa okushushana nawe, nituruga omu kitiinisa kuza omu kitiinisa ekindi ekirikukiraho; ebyo nibirunga ahari Mukama niwe Mwoyo.

Currently Selected:

2 Abakorinso 3: RR64

Highlight

Copy

Compare