Engero 5
5
1Mwana wange, ssangayo omwoyo, owulirize amagezi gange,
Otegeere okumanya kwange.
2Olyoke omanyenga okusalawo okw'amagezi,
Era olyoke oyogerenga eby'amagezi.#Mal 2:7
3Kubanga emimwa gy'omukazi omugenyi gitonnya omubisi gw'enjuki,
N'akamwa ke kasinga amafuta obugonvu:#Zab 55:21, Nge 2:16, Lu 4:11
4Naye kunkomerero akaawa ng'omususa,
Asala ng'ekitala eky'obwogi obubiri.#Zab 149:6, Mub 7:26, Kung 3:15
5Ebigere bye bikka mu kufa;
Ekkubo lye likkirira magombe.#Nge 7:27
6N'okulaba talaba kkubo lya bulamu,
Amakubo ge geetooloola nga tamanyi.#Nge 4:26
7Kale nno, baana bange, mumpulirenga,
So temuvanga mu bigambo bye mbagamba.
8Omukazi ng'oyo omwewalanga,
N'oluggi lw'ennyumba ye tolusembereranga.
9Bw'otomwewala, abalala balitwala ekitiibwa kyo,
N'ottibwa abakambwe ng'okyali muvubuka.
10Abagwira baleme okutwala by'okoleredde,
Bye watuyanira bireme okubeera mu nnyumba y'omunnaggwanga;
11Ku nkomerero yo n'ofa ng'onakuwadde,
Ng'okozze wenna, ng'okenenye.
12Olyejjusa lwaki wakyawanga okubuulirirwa,
Omutima gwo ne gunyoomanga okunenyezebwa.#Zab 107:11, Nge 1:22,25,29
13Oligamba nti ssaawulirizanga bayigiriza bange,
Sassangayo mwoyo ku bye banjigirizanga.
14Nabulako katono okuswala,
Wakati mu kkuŋŋaaniro n'ekibiina.
15Beeranga mwesigwa eri mukyala wo,
Era gwewegattanga naye yekka.#5:15 Mu Baibuli ezimu zikozesa ekigambo oluzzi okutegeeza omukazi.#Lu 4:12,15, Yer 2:13
16Lwaki ensulo zo zisaasaanira wonna,
Amazzi ne gakulukutira mu nguudo?
17Amazzi ag'omu luzzi olwo gabeereranga ddala gago wekka,
So si ga balala wamu naawe.#Nge 14:10
18Ensulo yo ebeerenga n'omukisa,
Era sanyukiranga omukazi ow'omu buvubuka bwo.#Mub 9:9, Mal 2:14
19omulungi ng'ennangaazi, omubalagavu ng'empeewo,
Amabeere ge gakumalenga mu biro byonna;
Era osanyukirenga bulijjo okwagala kwe.#Lu 4:5
20Kubanga lwaki ggwe okusanyukiranga omukazi omwenzi, mwana wange,
N'ogwa mu kifuba ky'atali wuwo?#Nge 5:3
21Kubanga omuntu byonna by'akola biri mu maaso ga Mukama,
Era Mukama atunulira nnyo eŋŋendo ze zonna.#Yob 31:4, Zab 119:168, Yer 16:17, Beb 4:13
22Ebibi by'omuntu bimusiba,
Okwonoona kwe gy'emigwa egimusiba.
23Alifa olw'obuteeziyiza,
Era olw'obusirusiru bwe obungi aliwaba.#Yob 4:21, Nge 10:21
Currently Selected:
Engero 5: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
