Engero 10
10
Engero za Sulemaani (10:1—22:16)
1Omwana ow'amagezi asanyusa kitaawe:
Naye omwana omusirusiru anakuwaza nnyina.#Nge 1:1; 17:25; 29:3,15
2Obugagga obw'obubi tebuliiko kye bugasa:
Naye obutuukirivu buwonya mu kufa.#Nge 11:4; 21:6, Ez 7:19
3Mukama taalekenga muntu mutuukirivu kufa njala;
Naye ababi abaziyiza okufuna bye beegomba.#Zab 34:9,10; 112:10
4Emikono eminafu gireetera nnyinigyo obwavu;
Naye Emikono gy'omunyiikivu, gimuleetera obugagga bungi.#Nge 13:4; 21:5
5Akungulira mu kyeya mwana wa magezi:
Naye oyo eyeebakira mu biro eby'okukunguliramu ye mwana akwasa ensonyi.#Nge 6:6-8
6Emikisa giba ku mutwe gw'omutuukirivu:
Naye akamwa k'ababi kakisa eby'obukambwe bye bakola.
7Ekijjukizo ky'omutuukirivu kirina omukisa:
Naye erinnya ly'ababi lirivunda.#Zab 9:5; 112:6
8Omuntu omutegeevu, akwata amateeka;
Naye omubuyabuya alizikirira.#Mat 7:24,25
9Omuntu atambulira mu bugolokofu, aba n'emirembe,
Naye omukumpanya, alimanyibwa.#Nge 3:23; 28:18, Is 33:15,16, 1 Tim 5:25
10Oyo atemya eriiso, okubikkirira amazima aleeta ennaku;
N'oyo ayogera eby'obusirusiru alizikirira.#Nge 6:13
11Ebigambo by'omuntu omutuukirivu, nsulo ya bulamu;
Naye akamwa k'ababi kakisa eby'obukambwe bye bakola.#Zab 36:9, Nge 13:14
12Obukyayi buleeta ennyombo;
Naye okwagala kubikka ku byonoono byonna.#Nge 17:9, 1 Peet 4:8
13Mu bigambo by'omutegeevu, mulimu amagezi;
Naye omugongo gw'omusirusiru gusaanira kukubwa miggo.#Nge 6:32; 19:29
14Ab'amagezi batereka okumanya:
Naye omusirusiru by'ayogera, bimuleetera okuzikirira.
15Ebintu eby'omugagga kye kibuga kye eky'amaanyi:
Abaavu okuzikirira kwabwe bwavu bwabwe.#Nge 18:11
16Omulimu ogw'omutuukirivu guleeta bulamu;
Ekyengera eky'omubi kireeta kwonoona.#Nge 11:19; 19:23
17Oyo ali mu kkubo ery'obulamu assaayo omwoyo eri okubuulirirwa:
Naye oyo aleka okunenyezebwa awaba.#Nge 6:23
18Oyo akweka obukyayi, aba mulimba;
N'oyo awaayiriza musirusiru.
19Mu kwogera ebigambo ebingi, temubulamu kusobya;
Naye oyo asirika, aba omugezi.#Nge 17:27, Mat 12:36,37, Yak 1:19; 3:2
20Olulimi lw'omutuukirivu ffeeza nnonde:
Ebirowoozo by'ababi, tebiriiko kye bigasa.
21Ebigambo by'omutuukirivu bigasa bangi:
Naye abasirusiru bafa olw'okubulwa okutegeera.
22Omukisa gwa Mukama gwe gugaggawaza,
So tagatta buyinike bwonna wamu nagwo.#Lub 24:35, Ma 8:18
23Okukola obubi muzannyo gwa musirusiru:
Naye okukola eby'amagezi, kye kisanyusa omuntu alina okutegeera.
24Omubi ky'atya kirimujjira:
N'ekyo abatuukirivu kye beegomba balikiweebwa.#Yob 15:21, Zab 145:19, Is 66:4, Mat 5:6
25Kibuyaga bw'akunta,
omubi nga takyaliwo,
Naye omutuukirivu alinywezebwa emirembe gyonna.#Yob 21:18, Zab 15:5; 58:9, Mat 7:24-27
26Ng'omwenge omukaatuufu bwe gunyenyeeza amannyo,
era ng'omukka bwe gubalagala amaaso,
N'omugayaavu bw'alumya bw'atyo abo abamutuma.
27Okutya Mukama kuwangaaza:
Naye emyaka gy'ababi, girisalibwako.#Yob 15:32,33, Nge 3:2, Mub 7:17
28Abatuukirivu basuubira essanyu gye bujja,
Naye ababi tebalina kalungi ke basuubirayo.#Yob 8:13, Bar 5:2
29Ekkubo lya Mukama kigo eri omugolokofu;
Naye kuzikirira eri abo abakola ebitali bya butuukirivu.#Nge 21:15
30Omutuukirivu tajjululwenga ennaku zonna:
Naye ababi tebalibeera mu nsi.#Zab 37:30
31Akamwa k'omutuukirivu koogera eby'amagezi:
Naye abalimba balimalibwawo.
32abatuukirivu boogera ebisaana,
Naye ababi boogera bya bubambaavu.#Mub 10:12
Currently Selected:
Engero 10: LBR
Highlight
Copy
Compare
Share
Want to have your highlights saved across all your devices? Sign up or sign in
All rights are reserved to the Bible Society of Uganda.
