KO E ME‘A FAKAHĀ 9
9
1PEA ifi hono nima ‘o e ‘āngelo, pea u vakai ha fetu‘u kuo tō mei langi ki māmani: pea na‘e ‘ange ki ai ‘a e kī ‘o e luo ki he Luo Ta‘ehanotakele.#9.1 Luo Ta‘ehanotakele; Ko e feitu‘u ‘i lolofonua na‘e tuku pilīsone ai ‘a e ngaahi laumālie ‘ulí ke a‘u ki honau fakamāu‘i faka‘osi ‘e he ‘Otuá. 2Pea na‘a ne fakaava ‘a e luo ki he Luo Ta‘ehanotakele; pea na‘e ‘alu hake ‘a e kohu mei he luo, ‘o hangē ko e kohu ‘o ha fu‘u ngoto‘umu pea na‘e fakapo‘uli ai ‘a e la‘ā mo e ‘atā, ko e me‘a ‘i he kohu ‘o e luo.#Sēn 19.28 3Pea na‘e ‘alu atu mei he kohu ‘a e fanga he‘e ki he funga fonua; pea na‘e tuku kiate kinautolu ‘a e mālohi, hangē ko e mālohi ‘oku ma‘u ‘e he fanga sikapio ‘o e fonua.#‘Eki 10.12-15 4Pea na‘e pehē kiate kinautolu, ke ‘oua te nau maumau‘i ‘a e mohuku ‘o e fonua, ‘uma‘ā ha me‘a mata, pe ha ‘akau; ngata pē ‘i he kakai ‘oku ‘ikai ke tu‘u ‘a e sila ‘a e ‘Otua ‘i honau la‘é.#‘Isi 9.4 5Pea na‘e tuku kiate kinautolu ke ‘oua te nau tāmate‘i ke mate ‘a e fa‘ahinga ko ia, ka ke mo‘ua mamahi pē ‘o māhina nima: pea ko ‘enau mamahi ‘oku hangē ko e mamahi ‘a ha tangata ‘i hono taa‘i ‘e ha sikapio. 6Pea ‘i he taimi ko ia ‘e kumi ‘e he kakai ki he mate, ka ‘e ‘ikai te nau ‘ilo ia; pea te nau faka‘amu ‘aupito ke pekia, ka ka hola ‘a e mate meiate kinautolu.#Siope 3.21; Sel 8.3
7Pea ko e anga ‘o e fanga he‘e, na‘e tatau mo e fanga hoosi kuo teuteu ki he tau; pea na‘e ‘ai ‘i honau ‘ulu ha me‘a hangē ko e ngaahi kalauni ‘oku matamata koula; pea ko honau mata na‘e hangē ko e mata ‘o e tangata.#Sioelí 2.4 8Pea na‘e ai hanau lau hangē ko e lau ‘o e fefine, pea ko honau nifo na‘e hangē ko e nifo ‘o e laione.#Sioelí 1.6 9Pea na‘e ai honau kofu fatafata, hangē ko e kofu fatafata ukamea; pea ko e longoa‘a ‘o honau kapakau na‘e hangē ko e longoa‘a ‘o e ngaahi sāliote ‘oku toho ‘e he fanga hoosi to ko lahi ki he tau.#Sioelí 2.5 10Pea na‘e ‘i ai honau iku, ‘o hangē ko e fanga sikapio, kae‘uma‘ā ‘a e ngaahi me‘a huhu: pea ‘oku tu‘u ‘i honau ngaahi iku ‘enau mafai ke tautea ‘a e kakai ‘o māhina nima. 11‘Oku ‘i ai honau tu‘i ‘oku pule kiate kinautolu, ko e ‘āngelo ‘o e Luo, ‘a ia ko hono hingoa ‘i he lea faka-Hepelū ko ‘Apatoni, ka ‘i he lea faka-Kalisi ‘oku ui ko ‘Apolione.
12Ko e ‘uluaki mala ‘eni kuo hoko; vakai ‘oku kei toe ha mala ‘e ua.
13Pea ifi ‘a hono ono ‘o e ‘āngelo, pea ongo mai ha le‘o mei he ngaahi nifo ‘o e ‘ōlita, ‘a e ‘ōlita koula ‘oku ‘i he ‘ao ‘o e ‘Otua,#‘Eki 30.1-3 14‘oku ne lea ki hono ono ‘o e ‘āngelo, ‘o pehē, ‘A koe ‘oku ‘a‘au ‘a e talupite, ke ke vete ‘a e kau ‘āngelo ‘e to ko fā ‘oku nofo ha‘isia mei he vaitafe lahi ko ‘Eufaletesi. 15Pea na‘a ne vete ‘a e ‘āngelo ‘e to ko fā, ‘a ia ne teuteu ki he houa ko ia mo e ‘aho mo e māhina mo e ta‘u, ke nau tāmate‘i hono vahetolu ‘o e kakai. 16Pea ko e lau ‘o e ngaahi matatau ‘o e tau heka hoosi ko e to ko ua mano liunga mano: na‘a ku fanongo ki hono to ko lahi. 17Pea ko eni ‘a e anga ‘o ‘eku sio ki he fanga hoosi ‘i he vīsone, pea mo e kakai na‘e heka ai: Na‘e ‘iate kinautolu ha ngaahi kofu tau lanu afi, mo lanu kohu, mo lanu sūlifa; pea ko e ngaahi ‘ulu ‘o e fanga hoosi na‘e hangē ko e ‘ulu‘i laione, pea na‘e ‘alu atu mei honau ngutu ‘a e afi mo e kohu mo e sūlifa. 18Ko e me‘a tā ko ia ‘e tolu na‘e tāmate‘i ‘aki ‘a e vahetolu ‘o e kakai, ‘io, ‘aki ‘a e afi mo e kohu mo e sūlifa na‘e ‘alu atu mei honau ngutu. 19He ko e mālohi ‘o e fanga hoosi ‘oku ‘i honau ngutu mo honau iku: he ko honau iku na‘e hangē ko e fanga ngata, he ‘oku ‘i ai hanau ‘ulu, pea ko ia ia ‘oku nau tautea ‘aki.
20Pea ko hono toe ‘o e kakai, ‘a kinautolu na‘e ‘ikai ke mate ‘i he ngaahi tautea ko ia, na‘e ‘ikai te nau momo‘i fakatomala ‘o tafoki mei he ngaahi ngāue ‘a honau nima, ‘o tuku ‘enau hū ki he ngaahi fa‘ahikehe, mo e ngaahi ‘aitoli koula, mo siliva, mo palasa, mo maka, mo ‘akau, ‘a ia ‘oku ‘ikai te nau lava ke sio pe fanongo pe ha‘ele:#Saame 115.4-7; 135.15-17; Tān 5.23 21pea na‘e ‘ikai te nau fakatomala ‘o tafoki mei he‘enau fai fakapō, mo ‘enau fai tuki, mo ‘enau fe‘auaki, mo ‘enau fa‘a kaiha‘a.
Currently Selected:
KO E ME‘A FAKAHĀ 9: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
