Popular Bible Verses from KO E ME‘A FAKAHĀ 9

Share

Pea ko hono toe ‘o e kakai, ‘a kinautolu na‘e ‘ikai ke mate ‘i he ngaahi tautea ko ia, na‘e ‘ikai te nau momo‘i fakatomala ‘o tafoki mei he ngaahi ngāue ‘a honau nima, ‘o tuku ‘enau hū ki he ngaahi fa‘ahikehe, mo e ngaahi ‘aitoli koula, mo siliva, mo palasa, mo maka, mo ‘akau, ‘a ia ‘oku ‘ikai te nau lava ke sio pe fanongo pe ha‘ele: pea na‘e ‘ikai te nau fakatomala ‘o tafoki mei he‘enau fai fakapō, mo ‘enau fai tuki, mo ‘enau fe‘auaki, mo ‘enau fa‘a kaiha‘a.

Pea na‘e ‘alu atu mei he kohu ‘a e fanga he‘e ki he funga fonua; pea na‘e tuku kiate kinautolu ‘a e mālohi, hangē ko e mālohi ‘oku ma‘u ‘e he fanga sikapio ‘o e fonua. Pea na‘e pehē kiate kinautolu, ke ‘oua te nau maumau‘i ‘a e mohuku ‘o e fonua, ‘uma‘ā ha me‘a mata, pe ha ‘akau; ngata pē ‘i he kakai ‘oku ‘ikai ke tu‘u ‘a e sila ‘a e ‘Otua ‘i honau la‘é.

PEA ifi hono nima ‘o e ‘āngelo, pea u vakai ha fetu‘u kuo tō mei langi ki māmani: pea na‘e ‘ange ki ai ‘a e kī ‘o e luo ki he Luo Ta‘ehanotakele.

Pea na‘e tuku kiate kinautolu ke ‘oua te nau tāmate‘i ke mate ‘a e fa‘ahinga ko ia, ka ke mo‘ua mamahi pē ‘o māhina nima: pea ko ‘enau mamahi ‘oku hangē ko e mamahi ‘a ha tangata ‘i hono taa‘i ‘e ha sikapio.

‘Oku ‘i ai honau tu‘i ‘oku pule kiate kinautolu, ko e ‘āngelo ‘o e Luo, ‘a ia ko hono hingoa ‘i he lea faka-Hepelū ko ‘Apatoni, ka ‘i he lea faka-Kalisi ‘oku ui ko ‘Apolione.