KO E ME‘A FAKAHĀ 10
10
Ko e ‘Āngelo pea mo e Ki‘i Takainga Tohi
1PEA u vakai ha ‘āngelo mālohi ‘e taha ‘oku ne ‘alu hifo mei langi, kuo kofu ‘aki ha ‘ao, pea na‘e ‘i hono fofonga ‘a e ‘umata, pea ko hono fōtunga na‘e hangē ko e la‘ā, pea ko hono ongo va‘e na‘e hangē ha ongo pou afi: 2pea na‘a ne to‘o ha ki‘i tohi kuo folahi, pea na‘a ne ‘ai hono va‘e to‘omata‘u ki he tahi, mo e to‘ohema ki he fonua, 3pea ne kalanga le‘o lahi, ‘o hangē tofu pē ko ha kālou ‘a ha laione: pea ‘i he‘ene kalanga leva pea fai ‘e he mana ‘e fitu ‘enau lea. 4Pea ‘i he fai leva ‘e he mana ‘e fitu ‘enau lea, na‘a ku ofa ke tohi: pea ongo mai ha le‘o mei he langi na‘e pehē mai, Sila‘i pē ‘a e ngaahi me‘a na‘e lea‘aki ‘e he mana ‘e fitu, ‘o ‘oua ‘e tohi ia.
5Pea ko e ‘āngelo ‘a ia na‘a ku vakai ‘oku ne tu‘u ‘i he tahi mo e fonua, na‘a ne hiki hono nima to‘omata‘u ki he langi,#‘Eki 20.11; Teu 32.40; Tān 12.7; ‘Ēmosi 3.7 6‘o ne lea tuki kiate Ia ‘oku ne mo‘ui ‘o lauikuonga pea ta‘engata, ‘a ‘Ene ‘Afio na‘a ne ngaohi ‘a e langi mo e ngaahi me‘a ‘oku ‘i ai, mo e fonua mo e ngaahi me‘a ‘oku ‘i ai, mo e tahi mo e ngaahi me‘a ‘oku ‘i ai, Tokua ‘oku ‘ikai kei toe ha taimi: 7ka ‘i he ngaahi ‘aho ‘o e lea ‘a hono fitu ‘o e ‘āngelo, ‘oka ofa ‘aki ‘e ia ke ifi, pea fakakakato ai ‘a e misiteli faka‘otua, ‘o hangē ko ‘ene ongoongolelei na‘a ne tuku ki he‘ene kau tamaio‘eiki ‘a e kau palōfita.
8Pea ko e le‘o na‘e ongo mai mei langi na‘e toe lea mai ‘o pehē, ‘Alu ‘o to‘o ‘a e tohi ‘a ia ‘oku folahi ‘i he nima ‘o e ‘āngelo ‘oku tu‘u ‘i he tahi mo e fonua.#‘Isi 2.8; 1.3
9Pea u ‘alu ki he ‘āngelo, ‘o u tala kiate ia ke ne tuku mai ‘a e ki‘i tohi. Pea ne pehē mai kiate au, To‘o pē, ‘o kai ke ‘osi ia: pea ‘e konā ai ho kete, ka ‘i ho ngutu te ne ifo melie ‘o hangē ha honi.
10Pea u to‘o ‘a e ki‘i tohi mei he nima ‘o e ‘āngelo, pea u kai ia ‘o ‘osi; pea ‘i hoku ngutu na‘e hangē ko e honi ‘ene melie; pea ‘i he ‘osi ‘eku kai ia na‘e toki konā ai hoku kete. 11Pea na‘a nau pehē kiate au, Kuo pau te ke toe palofisai ki ha ngaahi fa‘ahinga, mo ha ngaahi pule‘anga, mo ha ngaahi lea, mo ha tu‘i to ko lahi.
Currently Selected:
KO E ME‘A FAKAHĀ 10: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
