KO E ME‘A FAKAHĀ 8
8
Ko Hono To‘o ‘o e Sila hono Fitú
1PEA ‘i he‘ene toki vete ‘a e sila ko hono fitu, pea ‘iloange na‘e fakalongo ‘a e langi, ‘o fe‘unga nai mo e vaeuamālie ‘o e houa. 2Pea u vakai ‘a e kau ‘āngelo ‘e to ko fitu ‘oku fakafe‘ao ki he ‘Otua, pea na‘e ‘ange kiate kinautolu ha talupite ‘e fitu.
3Pea na‘e ‘alu ha ‘āngelo ‘e taha, ‘o tu‘u mei he ‘ōlita, ‘oku ‘iate ia ha tutu‘anga ‘inisēnisi na‘e koula; pea na‘e ‘ange kiate ia ha ‘inisēnisi lahi, ke ne ‘oatu ia ki he ngaahi hū ‘a e kakai lotu kotoa pē ‘i he funga ‘ōlita, ‘a e ‘ōlita koula na‘e ‘i he ‘ao ‘o e taloni.#‘Ēmosi 9.1; ‘Eki 30.1,3 4Pea na‘e ‘alu hake ‘a e kohu ‘o e ‘inisēnisi ki he ngaahi hū ‘a e kakai lotu mei he nima ‘o e ‘āngelo ‘i he ‘ao ‘o e ‘Otua. 5Pea ‘iloange na‘e to‘o ‘e he ‘āngelo ‘a e tutu‘anga ‘inisēnisi, ‘o ne fakapito ‘aki ‘a e afi mei he ‘ōlita, ‘o ne laku ki māmani; pea na‘e ho ko leva ha ngaahi mana, mo e ngaahi le‘o, mo e ngaahi ‘uhila, mo ha mofuike.#Lev 16.12; ‘Isi 10.2; ‘Eki 19.16; Fkhā 11.19; 16.18
Ko e Kau ‘Āngelo ‘e Toko Fitu mo ‘enau Talupite ‘e Fitu
6Pea ko e ‘āngelo ‘e to ko fitu, ‘a ia na‘a nau to‘o ‘a e talupite ‘e fitu, na‘a nau ofa‘aki ‘enau ifi.
7Pea ifi ‘a e ‘uluaki, pea ho ko ai ‘a e ‘uha maka mo e afi, ‘o fefiofi mo e toto, pea laku hifo ki he fonua: pea ne vela ai hono vahetolu ‘o e fonua, pea vela hono vahetolu ‘o e ‘akau, pea vela ‘a e mohuku mata kotoa pē.
8Pea ifi hono ua ‘o e ‘āngelo, pea na‘e lī ki he tahi ha me‘a na‘e hangē ko e fu‘u mo‘unga afi ‘oku vela: 9pea ne liliu ai hono vahetolu ‘o e tahi ke toto; pea mate hono vahetolu ‘o e ngaahi me‘a ‘i he tahi na‘e mo‘ui, pea maumau hono vahetolu ‘o e ngaahi vaka.
10Pea ifi hono tolu ‘o e ‘āngelo, pea tō ai mei langi ha fu‘u fetu‘u na‘e ulo ‘o hangē ha maama, pea ne tō ki hono vahetolu ‘o e vaitafe, pea ki he ngaahi matavai. 11Pea ko e hingoa ‘oku ui ‘aki ‘a e fetu‘u ko ia ko Kona‘ī‘ī; pea na‘e liliu ‘a e vahetolu ‘o e vai ke kona‘ī‘ī; pea na‘e mate ha to ko lahi ‘o e kakai ‘i he ngaahi vai ko ia, koe‘uhi kuo fakakona‘i.#Sel 9.15
12Pea ifi hono fā ‘o e ‘āngelo, pea na‘e taa‘i hono vahetolu ‘o e la‘ā, mo hono vahetolu ‘o e māhina, mo hono vahetolu ‘o e ngaahi fetu‘u; koe‘uhi ke fakapo‘uli hono vahetolu ‘o e ngaahi me‘a ko ia, pea ke ‘oua na‘a maama hono vahetolu ‘o e ‘aho, pea pehē mo e pō.#‘Ais 13.10; ‘Isi 32.7; Sioelí 2.10,31; 3.15
13Pea u vakai mo fanongo ki ha ‘īkale ‘e taha ‘oku ne puna ‘i loto langi, ‘o ne lea le‘o lahi, ‘o pehē, Mala‘ia, mala‘ia, mala‘ia, ‘a kinautolu ‘oku nofo ‘i he fonua, koe‘uhi ko e ngaahi le‘o ‘o e talupite ‘o e ‘āngelo ‘e to ko tolu ‘oku toe, ‘a ia ‘oku nau ene ke ifi!
Currently Selected:
KO E ME‘A FAKAHĀ 8: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
