KO E ME‘A FAKAHĀ 16
16
Ko e Ngaahi Ipu Houhau ‘e Fitu
1PEA na‘e ongo mai ‘a e le‘o lahi mei he temipale, ‘oku ne pehē ki he ‘āngelo ‘e to ko fitu,
Mole pē ‘o lilingi ki māmani ‘a e ngaahi ipu ‘e fitu ‘o e houhau ‘o e ‘Otua.
2Pea ‘alu mei ai ‘a e ‘uluaki, ‘o ne lilingi ‘a e ipu ‘a‘ana ki he fonua; pea na‘e ho ko ai ‘a e pala kovi mo fakamamahi ki he kakai na‘e ‘iate kinautolu ‘a e faka‘ilonga ‘o e manu fekai, pea ki he kakai na‘e hū ki hono ‘īmisi.#‘Eki 9.10
3Pea ko hono ua na‘a ne lilingi ‘a e ipu ‘a‘ana ki he tahi; pea na‘e ho ko ia ko e toto hangē ko e toto ‘o ha ‘anga‘anga: pea na‘e mate ‘a e me‘a mo‘ui kotoa pē, ‘a e ngaahi me‘a ‘i he tahi.
4Pea ko hono tolu na‘a ne lilingi ‘a e ipu ‘a‘ana ki he ngaahi vaitafe, mo e ngaahi matavai ‘o e ngaahi vai; pea na‘e ho ko ia ko e toto.#‘Eki 7.17-21; Saame 78.44 5Pea na‘a ku fanongo ki he ‘āngelo ‘oku ‘a‘ana ‘a e ngaahi vai, ‘oku ne pehē, Tonuhia koe, ‘a e ‘Afiona ‘oku mā‘oni‘oni pea na‘e mā‘oni‘oni, ‘i ho‘o fakamāu‘i pehē. 6He na‘a nau lilingi ‘a e toto ‘o e kakai lotu, mo e kau palōfita, pea ko eni kuo ke tuku ke nau inu toto; ko honau taau ia. 7Pea na‘a ku fanongo ki he lea ‘e he ‘ōlita ‘o pehē, ‘Io, ‘oku mo‘oni mo totonu ho‘o ngaahi fakamaau, ‘a e ‘Afiona ko e ‘Otua Aoniu.
8Pea ko hono fā na‘a ne lilingi ‘a e ipu ‘a‘ana ki he la‘ā; pea na‘e tuku ki ai ke fakavelehia ‘a e kakai ‘aki ‘a e afi. 9Pea na‘e velehia ‘a e kakai ‘i he māfana lahi, pea nau laukovi ki he huafa ‘o e ‘Otua, ‘a ia ne fa‘iteliha ki he ngaahi tautea ko ia: ka na‘e ‘ikai te nau fakatomala, ‘o tuku kolōlia kiate ia.
10Pea ko hono nima na‘a ne lilingi ‘a e ipu ‘a‘ana ki he taloni ‘o e manu fekai; pea na‘e fakapo‘uli hono pule‘anga; pea nau ngungu honau ‘elelo ‘i he mamahi;#‘Eki 10.21 11pea nau laukovi ki he ‘Otua ‘o e langi koe‘uhi ko ‘enau ngaahi mamahi, pea koe‘uhi ko e ngaahi pala: ka na‘e ‘ikai te nau fakatomala, ‘o tafoki mei he‘enau ngaahi ngāue.
12Pea ko hono ono na‘a ne lilingi ‘a e ipu ‘a‘ana ki he fu‘u vaitafe ko ‘Eufaletesi; pea na‘e mātu‘u hono vai, koe‘uhi ke teuteu ‘a e hala ‘o e ngaahi tu‘i mei he hopo‘anga la‘ā.#‘Ais 11.15 13Pea u vakai ‘oku ha‘u mei he ngutu ‘o e Talākoni, pea mei he ngutu ‘o e manu fekai, pea mei he ngutu ‘o e palōfita loi, ha fa‘ahikehe ‘e tolu, hangē ko e fanga poto. 14He ko e ngaahi laumālie ‘o e fanga tēvolo fai mana ‘a kinautolu, ‘a ia ‘oku nau ‘alu atu ki he ngaahi tu‘i ‘o māmani kātoa, ke fakataha kinautolu ki he tau ‘o e ‘aho lahi ‘o e ‘Otua Aoniu.
15(Vakai, ‘oku ou ‘alu atu hangē ha kaiha‘a. Monū‘ia ā ka ko ia ‘oku ‘ā ‘o le‘o, pea ‘oku tauhi hono ngaahi kofu; telia na‘a ne laka telefua, pea nau mamata ki hono mā‘anga.)#Māt 24.43-44; Luk 12.39-40; Fkhā 3.3
16Pea na‘a ne fakataha kinautolu ki he potu ‘oku ui ‘i he lea faka-Hepelū ko Hamaketone.#2 Tu‘i 23.29; Sāk 12.11
17Pea ko hono fitu na‘a ne lilingi ‘a e ipu ‘a‘ana ki he ‘atā; pea na‘e ongo atu ha le‘o mei he temipale, mei he taloni ‘o pehē, KUO FAI. 18Pea na‘e ho ko ai ‘a e ngaahi ‘uhila, mo e ngaahi le‘o, mo e ngaahi mana, pea na‘e ho ko ha fu‘u mofuike, te‘eki ha mofuike ‘e pehē talu ‘a e nofo ‘a e tangata ki māmani, ha mofuike ‘oku pehē fau hono fu‘u lahi.#Fkhā 8.5; 11.13,19 19Pea na‘e vahe tolu ‘a e kolo lahi, pea na‘e holo ‘a e ngaahi kolo ‘o e ngaahi pule‘anga (pea na‘e manatu hake ‘a fu‘u Pāpilone ‘i he ‘ao ‘o e ‘Otua, ke ‘ange ki ai ‘a e ipu uaine, ko e houhau ‘o ‘Ene tuputāmaki).#‘Ais 51.17 20Pea ‘ilonga ha motu, na‘e hola, pea na‘e ‘ikai ‘ilo ki ha mo‘unga.#Fkhā 6.14 21Pea na‘e tō mei langi ki he kakai ‘a e ‘uha maka lalahi, fe‘unga mo e taleniti hono mamafa: pea na‘e laukovi ‘a e kakai ki he ‘Otua, koe‘uhi ko e tautea ko ia ko e ‘uha maka; he ko hono fakamamahi ko e me‘a lahi ‘aupito.#‘Eki 9.23; Fkhā 11.19
Currently Selected:
KO E ME‘A FAKAHĀ 16: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
