KO E ME‘A FAKAHĀ 17
17
Ko e Pa‘umutu mo e Manu Fekaí
1PEA na‘e ha‘u ha to ko taha ‘o e kau ‘āngelo ‘e to ko fitu, ‘a ia na‘e ‘iate kinautolu ‘a e ipu ‘e fitu, pea na‘a ne alea mo au ‘o pehē, Ha‘u, ka u fakahā kiate ko e ‘a e fakamāu‘i ‘o e fu‘u fe‘auaki, ‘a ia ‘oku nofo ki he ngaahi vai lahi:#Sel 51.13 2‘a ia kuo fai fe‘auaki mo ia ‘a e ngaahi tu‘i ‘o māmani, pea kuo fakakona ‘aki ‘a e uaine ‘o ‘ene fe‘auaki ‘a e kakai ‘o māmani.#‘Ais 23.17; Sel 51.7
3Pea ne ‘ave au ki he toafa he‘eku Laumālie‘ia: pea u vakai ha fefine ‘oku heka ki ha manufekai kula ‘aho‘aho, ‘oku tofu ‘i he ngaahi hingoa fie ‘otua, pea ‘oku ‘ulu fitu mo nifo hongofulu.#Fkhā 13.1 4Pea na‘e kofu kulokula mo kula ‘aho‘aho ‘a e fefine ko ia, pea teu ‘aki ‘a e koula mo e makakoloa mo e mata‘itofe, pea na‘a ne to‘o ‘i hono nima ha ipu koula kuo pito ‘i he ngaahi me‘a fakalielia, kae‘uma‘ā ‘a e ngaahi ‘uli ‘o ‘ene fe‘auaki.#Sel 51.7 5Pea na‘e tohi ‘i hono la‘e ‘a e hingoa ni:
KO E MISITELI,
KO FU‘U PĀPILONE,
KO E FA‘Ē ‘A E KAU FE‘AUAKI
MO E NGAAHI ME‘A FAKALIELIA
‘O MĀMANI
6Pea u vakai kuo konā ‘a e fefine ‘i he toto ‘o e kakai lotu, pea ‘i he toto ‘o e kau mā‘ata ‘a Sisu: pea u ofo ‘i he‘eku sio ki he fefine ko ia–ko e ofo ka ko ha ofo.
7Pea pehē mai ‘a e ‘āngelo, Ko e hā na‘a ke ofo ai? Ka u fakahā kiate koe ‘a e misiteli ‘o e fefine mo e manu fekai ‘oku ne fua ia, ‘a ia ‘oku ne ‘ulu fitu mo nifo hongofulu. 8Ko e manu fekai ne ke sio ki ai, na‘e ‘i ai, pea ‘oku ‘ikai, pea ‘oku teu ‘alu hake mei he Luo Ta‘ehanotakele, pea ‘oku mole pē ki he faka‘auha: pea ko kinautolu ‘oku nofo ‘i māmani, ‘a ia kuo ‘ikai tohi honau hingoa ‘i he tohi ‘o e mo‘ui na‘e fai mei he tanupou ‘o māmani, te nau ofo ‘i he‘enau mamata ki he manu fekai, tokua na‘e ‘i ai, pea ‘oku ‘ikai, pea te ne toe ha‘u.#Tān 7.7; Fkhā 11.7; Saame 69.28
9‘Oku hā ‘i he me‘a ni ‘a e ‘atamai ‘oku poto. Ko e ‘ulu ‘e fitu ko e mo‘unga ‘e fitu ia, ‘a ia ‘oku nofo ki ai ‘a e fefine. 10Kae‘uma‘ā ko e tu‘i ‘e to ko fitu ia: kuo tō ha to ko nima; ko e to ko taha ‘oku ‘i ai ni; ko hono toe kuo te‘eki ho ko mai; pea ‘oka ho ko ia kuo pau ke ai ha‘ane tolonga. 11Pea ko e manu fekai ‘a ia na‘e ‘i ai, pea ‘oku ‘ikai, ko hono valu foki ‘a ia, pea ‘oku ‘o e fitu, pea ‘oku mole ki he faka‘auha.
12Pea ko e nifo ‘e hongofulu na‘a ke sio ki ai, ko e tu‘i ia ‘e to ko hongofulu, ‘a ia kuo te‘eki ke nau ma‘u ha pule‘anga; ka ‘oku nau ma‘u pule hangē ko e ngaahi tu‘i he kau fakataha mo e manu fekai, ‘o houa taha.#Tān 7.24 13‘Oku loto taha ‘a kinautolu ni, pea ‘oku nau tuku ‘enau mālohi mo ‘enau fa‘iteliha ki he manu fekai. 14Ko kinautolu ni te nau fai tau mo e Lami, pea ‘e ikuna kinautolu ‘e he Lami: he ko e ‘Eiki ia ‘o e ngaahi ‘eiki, pea koe Tu‘i ‘o e ngaahi tu‘i: pea ‘e ikuna mo kinautolu ‘oku ‘iate ia, he kakai kuo ui mo fili mo lototō.
15Pea ne pehē mai, Ko e ngaahi vai na‘a ke mamata ki ai, ‘a ia ‘oku nofo ki ai ‘a e fe‘auaki, ko e ngaahi fa‘ahinga ia, mo e ngaahi fu‘u kakai, mo e ngaahi pule‘anga, mo e ngaahi lea. 16Pea ko e nifo ‘e hongofulu na‘a ke mamata ki ai, pea mo e manu fekai, te nau fehi‘a ki he fefine fe‘auaki, pea te nau ngaohi ia ko e li‘ekina mo e telefua; pea te nau keina hono kakano, pea te nau tutu ia ‘aki ‘a e afi. 17He ko e ‘Otua na‘a ne ‘ai ki honau loto ke fai hono finangalo ko ia, pea ke fai loto taha, pea ke tuku honau pule‘anga ki he manu fekai, kae‘oua ke fakamo‘oni ‘a e ngaahi folofola ‘a e ‘Otua.
18Pea ko e fefine na‘a ke mamata ki ai, ko e fu‘u kolo ia ‘oku pule ki he ngaahi tu‘i ‘o māmani.
Currently Selected:
KO E ME‘A FAKAHĀ 17: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
