Popular Bible Verses from KO E ME‘A FAKAHĀ 16

Share

(Vakai, ‘oku ou ‘alu atu hangē ha kaiha‘a. Monū‘ia ā ka ko ia ‘oku ‘ā ‘o le‘o, pea ‘oku tauhi hono ngaahi kofu; telia na‘a ne laka telefua, pea nau mamata ki hono mā‘anga.)

Pea ko hono ono na‘a ne lilingi ‘a e ipu ‘a‘ana ki he fu‘u vaitafe ko ‘Eufaletesi; pea na‘e mātu‘u hono vai, koe‘uhi ke teuteu ‘a e hala ‘o e ngaahi tu‘i mei he hopo‘anga la‘ā.

He ko e ngaahi laumālie ‘o e fanga tēvolo fai mana ‘a kinautolu, ‘a ia ‘oku nau ‘alu atu ki he ngaahi tu‘i ‘o māmani kātoa, ke fakataha kinautolu ki he tau ‘o e ‘aho lahi ‘o e ‘Otua Aoniu.

Pea u vakai ‘oku ha‘u mei he ngutu ‘o e Talākoni, pea mei he ngutu ‘o e manu fekai, pea mei he ngutu ‘o e palōfita loi, ha fa‘ahikehe ‘e tolu, hangē ko e fanga poto.

Pea na‘e velehia ‘a e kakai ‘i he māfana lahi, pea nau laukovi ki he huafa ‘o e ‘Otua, ‘a ia ne fa‘iteliha ki he ngaahi tautea ko ia: ka na‘e ‘ikai te nau fakatomala, ‘o tuku kolōlia kiate ia.

Pea ‘alu mei ai ‘a e ‘uluaki, ‘o ne lilingi ‘a e ipu ‘a‘ana ki he fonua; pea na‘e ho ko ai ‘a e pala kovi mo fakamamahi ki he kakai na‘e ‘iate kinautolu ‘a e faka‘ilonga ‘o e manu fekai, pea ki he kakai na‘e hū ki hono ‘īmisi.

Pea na‘a ne fakataha kinautolu ki he potu ‘oku ui ‘i he lea faka-Hepelū ko Hamaketone.