KO E ME‘A FAKAHĀ 12
12
Ko e Fefine mo e Fu‘u Ngata
1PEA na‘e hā ‘i he langi ha fu‘u me‘a fakaofo; ko ha fefine na‘e kofu ‘aki ‘a e la‘ā, pea na‘e ‘i hono lalo va‘e ‘a e māhina, pea na‘e ‘ai ki hono fofonga ha kalauni na‘e hongofulu mā ua hono fetu‘u. 2Pea kuo feitama ia, pea ne kaila ‘i he‘ene langā mo fakamamahi ke fanau.
3Pea na‘e hā mo e me‘a fakaofo ‘e taha ‘i he langi, pea tā ko ha fu‘u talākoni kulokula, ‘oku ‘ulu fitu, pea nifo hongofulu, pea ‘oku ‘ai ki hono ngaahi ‘ulu ‘a e kalauni ‘e fitu.#Tān 7.7 4Pea ‘iloange na‘e toho ‘aki ‘e hono iku hono vahetolu ‘o e ngaahi fetu‘u ‘o e langi, ‘o ne laku kinautolu ki he fonua: pea tu‘u ‘a e Talākoni ‘i he ‘ao ‘o e fefine na‘e ene ke fanau, koe‘uhi ke ne keina ‘ene tama ‘oka fā‘ele‘i.#Tān 8.10 5Pea ne fā‘ele‘i ha tama tangata, ‘a e to ko taha te ne pule‘i ‘a e ngaahi kakai kotoa pē ‘aki ha sēpita ukamea: pea na‘e hamusi hake ‘ene tama ki he ‘Otua, ‘io, ki hono taloni.#‘Ais 66.7; Saame 2.9 6Pea na‘e hola ‘a e fefine ki he toafa, ‘a ia na‘e ai hono potu na‘e teu ‘e he ‘Otua, koe‘uhi ke nau tauhi ai kiate ia ‘i he ngaahi ‘aho ‘e taha afe mā uangeau mā onongofulu.
7Pea na‘e ho ko ha tau ‘i he langi: ko Maikeli mo ‘ene kau ‘āngelo na‘a nau fai tau mo e Talākoni, pea na‘e tau ‘a e Talākoni mo ‘ene kau ‘Āngelo ‘a‘ana,#Tān 10.13,21; 12.1; Siuta 9 8ka na‘e ‘ikai te nau lava; ‘io, na‘e ‘ikai kei ma‘u hanau potu ‘i he langi. 9Pea na‘e kapusi ‘a e Talākoni lahi, ‘a ia ko e Ngata ‘o ono ‘aho, ‘a e to ko taha ‘oku ui ko e Tēvolo mo Sētane, ‘a e to ko taha ‘oku ne kākaa‘i ‘a māmani kātoa: na‘e lī ia ki māmani, pea lī mo ia ‘ene kau ‘āngelo.#Sēn 3.1; Luk 10.18
10Pea na‘a ku fanongo ki ha fu‘u le‘o ‘i he langi na‘e pehē,
Kuo ho ko ‘eni ‘a e fakamo‘ui, mo e mālohi,
Mo e pule‘anga ‘o hotau ‘Otua,
Pea mo e pule ‘a ‘Ene Kalaisi:
He kuo kapusi ‘a e tukuaki ‘o hotau kāinga,
‘A ia ‘oku ne tukuaki‘i kinautolu ‘i he ‘ao ‘o hotau ‘Otua, ‘i he ‘aho mo e pō.#Siope 1.9-11; Sāk 3.1
11Ka na‘a nau ikuna ia
Ko e me‘a ‘i he ta‘ata‘a ‘o e Lami,
Mo e lea ‘o e fakamo‘oni na‘a nau fai:
Pea na‘e ‘ikai te nau mamae ki he‘enau mo‘ui
‘O a‘u ki he‘enau mate.
12Ko ia, mou fiefia ‘a e ngaahi langi,
Mo kimoutolu ‘oku nofo Tāpanekale ‘i ai.
Ka ‘oiauē ‘a e fonua mo e tahi!
He kuo ho ko hifo ‘a e tēvolo kiate kimoua,
‘Oku ne ‘ita lahi,
Ko ‘ene ‘ilo, ‘oku toe si‘i pē hono taimi,
13Pea ‘i he vakai leva ‘e he Talākoni kuo lī ia ki he fonua, na‘a ne hanga ‘o fakatanga‘i ‘a e fefine, ‘a ia na‘a ne fā‘ele‘i ‘a e tama tangata. 14Pea na‘e ‘ange ki he fefine ‘a e ongo kapakau ‘o e ‘īkale lahi, ke ne puna ki he toafa ki he potu ‘o‘ona, ‘a ia ‘oku tauhi ia ‘i ai ke ‘osi ha kuonga, mo e kuonga ‘e ua, mo e vaeua ‘o e kuonga, ke ‘oua na‘a ‘ilo ki ai ‘e he Ngata.#Tān 7.25; 12.7 15Pea na‘e pu‘aki ‘e he Ngata mei hono ngutu ha vai hangē ha vaitafe, ke tuli ki he fefine, hei‘ilo te ne ‘auha ai. 16Pea na‘e tokoni ‘e he kelekele ki he fefine, pea nau fakamanga ‘e he kelekele hono ngutu, ‘o ne inumia ‘a e vaitafe na‘e pu‘aki ‘e he Ngata. 17Pea na‘e ‘ita ‘a e Talākoni ki he fefine, pea ne ‘alu mei ai ke fai tau mo hono toe ‘o e ha ko ‘o e fefine, ‘a kinautolu ‘oku tauhi ‘a e ngaahi tu‘utu‘uni ‘a e ‘Otua, mo nau puke ma‘u ‘enau fakamo‘oni kia Sīsū, 18Pea na‘e ‘alu ia, ‘o tu‘u#12.18 na‘e ‘alu… tu‘u; ‘Oku pehē ‘i hono ngaahi hiki fuoloa ‘e ni‘ihi: Peá u tu‘u. ‘i he ‘one‘one ‘o e tahi.
Currently Selected:
KO E ME‘A FAKAHĀ 12: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
