KO E ME‘A FAKAHĀ 11

Ko e Ongo Fakamo‘oni

1PEA na‘e tuku mai kiate au ha kaho, hangē ha tokotoko: pea na‘e pehē mai, Tu‘u ‘o fua ‘a e Temipale ‘o e ‘Otua, mo e ‘ōlita, mo kinautolu ‘oku nau fai ai ‘enau lotu.#‘Isi 40.3; Sāk 2.1-2 2Ka ko e loto‘ā ‘oku ‘i he tu‘a Temipale li‘aki pē, ‘a ‘oua ‘e fua ia; he kuo tuku ia ki he Senitaile: pea te nau malaki ‘a e kolo tapu ko e māhina ‘e fāngofulu mā ua.#Luk 21.24 3Pea te u tuku ki he‘eku ongo fakamo‘oni, ke na palofisai ‘i he ngaahi ‘aho ‘e taha afe mā uangeau mā onongofulu, kuo na ‘ai tauanga‘a.

4Ko eni ia ‘a e ongo fu‘u ‘ōlive, pea mo e ongo maama ‘oku tu‘u ‘i he ‘ao ‘o e ‘Eiki ‘o māmani.#Sāk 4.3,11-14 5Pea kapau ‘e loto ‘e ha taha ke ngaohikovi‘i kinaua, ‘e ‘alu atu ha afi mei hona ngutu, ‘o keina hona ngaahi fili: ‘io, kapau ‘oku loto ‘e ha taha ke ngaohikovi‘i kinaua kuo pau ke ne mate pehē. 6Ko eni ia ‘oku na mafai ke tāpuni ‘a e langi, ke ‘oua na‘a tō ‘a e ‘uha lolotonga ‘a e ngaahi ‘aho ‘o ‘ena palofisai, pea ‘oku na fa‘iteliha ki he ngaahi vai ke liliu ia ke toto, pea ke taa‘i ‘a e fonua ‘aki ‘a e ngaahi tautea kehekehe, ‘oka na ka loto ki ai.#1 Tu‘i 17.1; ‘Eki 7.17-19; 1 Sām 4.8

7Pea ka ‘osi leva ‘ena fakamo‘oni, pea ko e manu fekai ‘oku ne ‘alu hake mei he Luo, te ne fai tau mo kinaua, pea te ne ikuna kinaua, ‘o tāmate‘i.#Tān 7.7,21; Fkhā 13.5-7; 17.8 8Pea ko hona ‘anga‘anga ‘oku tuku ‘i he mala‘e ‘o e kolo lahi, ‘a ia ‘oku ui fakalaumālie ko Sōtoma mo ‘Isipite, ko e potu na‘e kalusefai ai foki hona ‘Eiki.#‘Ais 1.9-10 9Pea ko e ni‘ihi mei he ngaahi fa‘ahinga, mo e ngaahi matakali, mo e ngaahi lea, mo e ngaahi pule‘anga, te nau mamata ki hona ‘anga‘anga ‘o ‘aho tolu mo e vaeuamālie, pea ‘e ‘ikai te nau tuku ke telio hona ‘anga‘anga ‘i ha fonualoto. 10Pea ko kinautolu ‘oku nofo ‘i he fonua, te nau fakamālie ‘i he‘ena tō, mo nau fiefia, ‘o fe‘ave‘aki me‘a‘ofa; koe‘uhi ko e ongo palōfita ko ia na‘a na fakamamahi‘i ‘a e kakai na‘e nofo ‘i he fonua. 11Pea hili ‘a e ‘aho ‘e tolu mo e vaeuamālie, na‘e ha‘u mei he ‘Otua, ‘o hū kiate kinaua, ‘a e Laumālie ‘o e mo‘ui, ‘o na tu‘u ki ‘olunga; pea na‘e tō ha ilifia lahi ki he kakai na‘e sio kiate kinaua.#‘Isi 37.10 12Pea na‘a na fanongo ki ha le‘o lahi mei he langi ‘oku ne pehē mai, Mo omi ki ‘olunga. Pea na‘a na ō hake ki he langi ‘i he ‘ao; pea siofia kinaua ‘e hona ngaahi fili.#2 Tu‘i 2.11 13Pea ‘i he houa ko ia na‘e ho ko ha mofuike lahi, pea na‘e holo hono vahe hongofulu ‘o e kolo, pea na‘e mate ‘i he mofuike ko ia ‘a e kakai na‘e lau honau hingoa ko e to ko fitu afe: pea manavahē lahi hono toe ‘o e kakai, pea nau tuku kolōlia ki he ‘Otua ‘o e langi.#Fkhā 6.12; 16.18

14Kuo ho ko hono ua ‘o e mala; vakai ‘oku ha‘u vave hono tolu.

Ko e Talupite hono Fitú

15Pea na‘e ifi ‘a hono fitu ‘o e ‘āngelo; pea ‘iloange na‘e ai ‘a e ngaahi le‘o lalahi ‘i he langi na‘a nau pehē,

Ko e pule‘anga ‘o māmani

Kuo ho ko ko e pule‘anga ‘o hotau ‘Eiki,

Mo ‘Ene Kalaisi:

Pea te ne pule ‘o lauikuonga ‘o ta‘engata. #‘Eki 15.18; Tān 2.44; 7.14,27

16Pea ko e mātu‘a ‘e to ko uofulu mā fā, ‘a ia na‘a nau nofo ‘i honau ngaahi taloni ‘i he ‘ao ‘o e ‘Otua, na‘a nau tō fo‘ohifo, ‘o nau hū ki he ‘Otua 17‘O pehē,

‘Oku mau fakafeta‘i kiate koe,

‘A e ‘Afiona ko e ‘Otua Aoniu,

‘A e ‘Afiona ‘oku ke ‘i ai, pea na‘a ke ‘i ai;

Koe‘uhi kuo ke ala ki ho‘o mafai lahi,

Pea kuo ke Hau.

18Pea na‘e ‘ita ‘a e ngaahi pule‘anga,

Pea na‘e ho ko mai ho houhau,

Mo e taimi ke fakamaau ‘a e pekia,

Pea ke totongi ki ho‘o kau tamaio‘eiki,

‘A e kau palōfita mo e kakai lotu

Mo kinautolu ‘oku ‘apasia ki ho huafa,

‘A e iiki mo e lalahi;

Pea ke faka‘auha ‘a kinautolu

‘Oku faka‘auha ‘a e fonua.#Saame 2.5; 110.5; 115.13

19Pea na‘e fakaava ‘a e Temipale ‘o e ‘Otua ‘i he langi; pea na‘e hā ‘i hono Temipale ‘a e ‘A‘ake ‘o ‘Ene Kovinānite; pea na‘e ho ko ‘a e ngaahi ‘uhila, mo e ngaahi lea, mo e ngaahi mana, mo ha mofuike, pea mo ha fu‘u ‘uha maka.#Fkhā 8.5; 16.18,21

Currently Selected:

KO E ME‘A FAKAHĀ 11: TMB

Highlight

Copy

Compare