Popular Bible Verses from KO E ME‘A FAKAHĀ 12

Share

Ka na‘a nau ikuna ia Ko e me‘a ‘i he ta‘ata‘a ‘o e Lami, Mo e lea ‘o e fakamo‘oni na‘a nau fai: Pea na‘e ‘ikai te nau mamae ki he‘enau mo‘ui ‘O a‘u ki he‘enau mate.

Pea na‘a ku fanongo ki ha fu‘u le‘o ‘i he langi na‘e pehē, Kuo ho ko ‘eni ‘a e fakamo‘ui, mo e mālohi, Mo e pule‘anga ‘o hotau ‘Otua, Pea mo e pule ‘a ‘Ene Kalaisi: He kuo kapusi ‘a e tukuaki ‘o hotau kāinga, ‘A ia ‘oku ne tukuaki‘i kinautolu ‘i he ‘ao ‘o hotau ‘Otua, ‘i he ‘aho mo e pō.

Pea na‘e kapusi ‘a e Talākoni lahi, ‘a ia ko e Ngata ‘o ono ‘aho, ‘a e to ko taha ‘oku ui ko e Tēvolo mo Sētane, ‘a e to ko taha ‘oku ne kākaa‘i ‘a māmani kātoa: na‘e lī ia ki māmani, pea lī mo ia ‘ene kau ‘āngelo.

Ko ia, mou fiefia ‘a e ngaahi langi, Mo kimoutolu ‘oku nofo Tāpanekale ‘i ai. Ka ‘oiauē ‘a e fonua mo e tahi! He kuo ho ko hifo ‘a e tēvolo kiate kimoua, ‘Oku ne ‘ita lahi, Ko ‘ene ‘ilo, ‘oku toe si‘i pē hono taimi

Pea na‘e ho ko ha tau ‘i he langi: ko Maikeli mo ‘ene kau ‘āngelo na‘a nau fai tau mo e Talākoni, pea na‘e tau ‘a e Talākoni mo ‘ene kau ‘Āngelo ‘a‘ana

Pea na‘e ‘ita ‘a e Talākoni ki he fefine, pea ne ‘alu mei ai ke fai tau mo hono toe ‘o e ha ko ‘o e fefine, ‘a kinautolu ‘oku tauhi ‘a e ngaahi tu‘utu‘uni ‘a e ‘Otua, mo nau puke ma‘u ‘enau fakamo‘oni kia Sīsū

PEA na‘e hā ‘i he langi ha fu‘u me‘a fakaofo; ko ha fefine na‘e kofu ‘aki ‘a e la‘ā, pea na‘e ‘i hono lalo va‘e ‘a e māhina, pea na‘e ‘ai ki hono fofonga ha kalauni na‘e hongofulu mā ua hono fetu‘u. Pea kuo feitama ia, pea ne kaila ‘i he‘ene langā mo fakamamahi ke fanau.

Pea ne fā‘ele‘i ha tama tangata, ‘a e to ko taha te ne pule‘i ‘a e ngaahi kakai kotoa pē ‘aki ha sēpita ukamea: pea na‘e hamusi hake ‘ene tama ki he ‘Otua, ‘io, ki hono taloni. Pea na‘e hola ‘a e fefine ki he toafa, ‘a ia na‘e ai hono potu na‘e teu ‘e he ‘Otua, koe‘uhi ke nau tauhi ai kiate ia ‘i he ngaahi ‘aho ‘e taha afe mā uangeau mā onongofulu.

Pea na‘e hā mo e me‘a fakaofo ‘e taha ‘i he langi, pea tā ko ha fu‘u talākoni kulokula, ‘oku ‘ulu fitu, pea nifo hongofulu, pea ‘oku ‘ai ki hono ngaahi ‘ulu ‘a e kalauni ‘e fitu. Pea ‘iloange na‘e toho ‘aki ‘e hono iku hono vahetolu ‘o e ngaahi fetu‘u ‘o e langi, ‘o ne laku kinautolu ki he fonua: pea tu‘u ‘a e Talākoni ‘i he ‘ao ‘o e fefine na‘e ene ke fanau, koe‘uhi ke ne keina ‘ene tama ‘oka fā‘ele‘i.

Pea na‘e ‘ange ki he fefine ‘a e ongo kapakau ‘o e ‘īkale lahi, ke ne puna ki he toafa ki he potu ‘o‘ona, ‘a ia ‘oku tauhi ia ‘i ai ke ‘osi ha kuonga, mo e kuonga ‘e ua, mo e vaeua ‘o e kuonga, ke ‘oua na‘a ‘ilo ki ai ‘e he Ngata. Pea na‘e pu‘aki ‘e he Ngata mei hono ngutu ha vai hangē ha vaitafe, ke tuli ki he fefine, hei‘ilo te ne ‘auha ai. Pea na‘e tokoni ‘e he kelekele ki he fefine, pea nau fakamanga ‘e he kelekele hono ngutu, ‘o ne inumia ‘a e vaitafe na‘e pu‘aki ‘e he Ngata.