Popular Bible Verses from KO E ME‘A FAKAHĀ 11

Share

Pea na‘e ifi ‘a hono fitu ‘o e ‘āngelo; pea ‘iloange na‘e ai ‘a e ngaahi le‘o lalahi ‘i he langi na‘a nau pehē, Ko e pule‘anga ‘o māmani Kuo ho ko ko e pule‘anga ‘o hotau ‘Eiki, Mo ‘Ene Kalaisi: Pea te ne pule ‘o lauikuonga ‘o ta‘engata.

Pea na‘e ‘ita ‘a e ngaahi pule‘anga, Pea na‘e ho ko mai ho houhau, Mo e taimi ke fakamaau ‘a e pekia, Pea ke totongi ki ho‘o kau tamaio‘eiki, ‘A e kau palōfita mo e kakai lotu Mo kinautolu ‘oku ‘apasia ki ho huafa, ‘A e iiki mo e lalahi; Pea ke faka‘auha ‘a kinautolu ‘Oku faka‘auha ‘a e fonua.

Pea te u tuku ki he‘eku ongo fakamo‘oni, ke na palofisai ‘i he ngaahi ‘aho ‘e taha afe mā uangeau mā onongofulu, kuo na ‘ai tauanga‘a.

Pea hili ‘a e ‘aho ‘e tolu mo e vaeuamālie, na‘e ha‘u mei he ‘Otua, ‘o hū kiate kinaua, ‘a e Laumālie ‘o e mo‘ui, ‘o na tu‘u ki ‘olunga; pea na‘e tō ha ilifia lahi ki he kakai na‘e sio kiate kinaua.

Ko eni ia ‘oku na mafai ke tāpuni ‘a e langi, ke ‘oua na‘a tō ‘a e ‘uha lolotonga ‘a e ngaahi ‘aho ‘o ‘ena palofisai, pea ‘oku na fa‘iteliha ki he ngaahi vai ke liliu ia ke toto, pea ke taa‘i ‘a e fonua ‘aki ‘a e ngaahi tautea kehekehe, ‘oka na ka loto ki ai.

Ko eni ia ‘a e ongo fu‘u ‘ōlive, pea mo e ongo maama ‘oku tu‘u ‘i he ‘ao ‘o e ‘Eiki ‘o māmani. Pea kapau ‘e loto ‘e ha taha ke ngaohikovi‘i kinaua, ‘e ‘alu atu ha afi mei hona ngutu, ‘o keina hona ngaahi fili: ‘io, kapau ‘oku loto ‘e ha taha ke ngaohikovi‘i kinaua kuo pau ke ne mate pehē.