KO E SAAME 63
63
Ko e Vivili ‘a e Fie Feohi mo e ‘Otuá
(Ko e Saame ‘a Tēvita; ko e taimi na‘a ne ‘i he Toafa ‘o Siuta ai.)
1ELOHIMI ē, ko koe hoku ‘Otua;
Talu ai ‘eku hakule ki he ‘Afiona,
‘Oku fie inu ki he ‘Afiona hoku laumālie ni,
‘Oku vaivai he holi atu hoku kakano ni,
‘I he fonua mōmoa mo fie inu he honge vai.
2Kuo pehē ‘eku fakasio ‘i he fale tapu
Ke māta‘i ‘a e ivi mo e kolōlia ‘o‘ou.
3‘Oku mahu‘inga ange ho‘o ‘ofa ‘i he mo‘ui ni,
Ko ia ai, ‘e fakamālō ki he ‘Afiona ‘e hoku ngutu ni.
4Pehē ‘eku fakafeta‘i atu lolotonga ‘eku mo‘ui:
‘I he hua‘aki ho huafa te u hiki hoku nima ni.
5Ko hoku laumālie ‘e topono hangē kuo kai me‘a ngako mo lolo;
Pea mavava hoku ngutu he fakamālō.
6Ka u ka manatu kiate koe ‘i hoku mohenga,
‘Oku ‘osi ‘a e pō mo ‘eku fakalaulauloto ki he ‘Afiona.
7He kuo ke hoko ko e tokoni kiate au,
Pea te u mavava ‘i he malu ‘o ho kapakau.
8Ko hoku laumālie kuo ne molomolomuiva‘e atu,
Pea pukepuke au ‘e ho nima to‘omata‘u.
9Ka ko kinautolu ‘oku tuli ‘eku mo‘ui ke ‘auha
Te nau ‘alu ki Lolofonua.
10‘E li‘aki kinautolu ki he ivi ‘o e heletā,
Ko e ‘inasi ‘o e fanga siakali honau iku‘anga.
11Ka ko e tu‘i te ne viki ‘i he ‘Otua:
‘E pole ‘a e kakai ‘oku fuakava ‘iate ia;
Kae tāpuni ‘a e ngutu ‘o ha‘a lea kākā.
Currently Selected:
KO E SAAME 63: TMB
Highlight
Copy
Compare
Share
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
