Popular Bible Verses from KO E SAAME 63

Share

ELOHIMI ē, ko koe hoku ‘Otua; Talu ai ‘eku hakule ki he ‘Afiona, ‘Oku fie inu ki he ‘Afiona hoku laumālie ni, ‘Oku vaivai he holi atu hoku kakano ni, ‘I he fonua mōmoa mo fie inu he honge vai.

‘Oku mahu‘inga ange ho‘o ‘ofa ‘i he mo‘ui ni, Ko ia ai, ‘e fakamālō ki he ‘Afiona ‘e hoku ngutu ni.

Pehē ‘eku fakafeta‘i atu lolotonga ‘eku mo‘ui: ‘I he hua‘aki ho huafa te u hiki hoku nima ni.

Kuo pehē ‘eku fakasio ‘i he fale tapu Ke māta‘i ‘a e ivi mo e kolōlia ‘o‘ou.

He kuo ke hoko ko e tokoni kiate au, Pea te u mavava ‘i he malu ‘o ho kapakau. Ko hoku laumālie kuo ne molomolomuiva‘e atu, Pea pukepuke au ‘e ho nima to‘omata‘u.

Ka u ka manatu kiate koe ‘i hoku mohenga, ‘Oku ‘osi ‘a e pō mo ‘eku fakalaulauloto ki he ‘Afiona.