PALŌVEPI 29
29
1KO E tangata fa‘a valokia ‘oku fakakekeva hono kia,
Fokifā ‘oku faka‘auha ‘o ‘ikai hano faito‘o.
2Ka tokolahi ‘a e faitotonu ‘oku fiefia ‘a e kakai:
Ka ‘oka pule ‘a e angahala, ‘oku lāunga tu‘u ‘a e kakai.
3Ko e tangata ‘oku ‘ofa ki he poto ko e fiefia‘anga ‘o ‘ene tamai.
Ka ko ia ‘oku ō mo e kau pa‘umutu, ‘oku ne maumau koloa.
4Ko e tu‘i ‘oku fai fakakonisitūtone
‘Oku ne ngaohi hono fonua ke tu‘u:
Ka ko ia ‘oku ne fangani ‘a e tukuhau.
‘Oku ne laiki ia.
5Ko e tangata mālohi ‘oku lea fakaoleole ki hono kaungā‘api,
Ko ‘ene fola pē ha kupenga ki hono#29.5 hono; pe ho. va‘e.
6‘I he angahala ‘a e tangata kovi ‘oku ‘i ai ha tauhele:
Ka ko e faitotonu ‘oku ne mavava mo fiefia.
7‘Oku ongo‘i ‘e he failelei ‘a e totonu ‘a e masiva:
Ka ko e tangata angahala, tala‘ehai ‘oku ne maongo.
8‘Oku ifi ke ulo ‘a e kolo ‘e he kau siana ta‘e‘apasia;
Ka ‘oku ta‘ofi ‘a e ‘ita ‘e he kau poto.
9Na‘e tala hopo ha tangata poto ki ha tangata vale;
Pea ne lili, pea ne kata, ka na‘e ‘ikai tuku.
10Ko e kau siana fakapō ‘oku nau fehi‘a ki he haohaoa;
Pea ko e me‘a ki he angatonu-‘oku nau kumi ki he#29.10 kumi ki he; Ko hono faka-Hepeluú ia, ka ‘oku ngali tonu hono hiki ‘o: malu‘i. mo‘ui ‘a ha taha pehē.
11‘Oku ‘a‘au ki tu‘a ‘e he vale ‘ene ‘ita kotoa:
Ka ko e poto ‘oku ne ta‘ofi ha‘ana mei loki, ‘o fakamomoko ki ai.
12Ko e pule ‘oku fakaongo ki he lea kākā,
‘Oku angahala kotoa ‘a e kakai ‘oku tauhi kiate ia.
13‘Oku femili mo e masiva ‘a e ‘eke toloi mamafa;
Ko Sihova ai pē ‘oku ma‘u maama mei ai ‘a e mata ‘o kinaua ‘osi pē.
14Ko e tu‘i ‘oku fai mo‘oni ‘a e fakamaau ‘o e masiva,
Ko hono taloni ‘e tu‘u ‘o ta‘engata
15Ko e ‘akau mo e valoki ‘oku nau ‘atu poto:
Ka ko e tamasi‘i ‘oku tukuange noa ‘oku ne fakamaa‘i ‘ene fa‘ē.
16Ka fakatokolahi ‘a e angahala, ‘e fakautuutu ‘a e kovi:
Ka ‘e sio ‘e he faitotonu ki he‘enau tō.
17Tautea ho foha, pea te ne hoko ko ho nonga‘anga;
‘Io, te ne taufetuku fiemālie ki ho‘o mo‘ui.
18‘I he ‘ikai ha palofisai ‘oku ta‘emapule‘i ‘a e kakai:
Ka ko ia ‘oku tauhi ‘a e lao, ko e monū‘ia ia.
19‘Oku ‘ikai matautea ha tamaio‘eiki ‘i ha lea pē:
He neongo ‘oku ‘uhinga kiate ia, kae ‘ikai te ne tali fai.
20Ko ho‘o ‘ilo leva ha tangata ‘oku lea ‘oho,
Te tau ‘amanaki ki ha vale ‘i he toko taha ko ia.
21Ko ia ‘oku fakapelepele‘i ‘ene tamaio‘eiki mei he‘ene si‘i,
‘E iku pē ki he‘ene kau he fāmili.#29.21 he‘ene… fāmilí; pe ma‘u ho‘o me‘a kotoa; pe he ‘ikai te ke lava ‘o pule‘i ia.
22‘Oku fakalanga kē ‘a e tangata loto ‘ita;
Pea ‘oku mohu angahala ‘a e tangata tafulu.
23Ko e anga hiki ‘a e tangata te ne fakatōkilalo ia:
Ka ko e loto ‘oku angalalo ‘e ma‘u fakahīkihiki‘i.
24Ko ia ‘oku ne kau mo ha kaiha‘a, ‘oku ne fehi‘a ki he‘ene mo‘ui,
‘Ene fanongo ki he talamala kae ‘ikai lea.
25Ko e ilifia ki ha tangata, ‘oku te mo‘ua ai ‘i ha tauhele:
Ka ko ia ‘oku tu‘u ‘ene falala kia Sihova, ‘e malu‘i.
26Ko e tokolahi te nau fai ha me‘a ke ‘ofeina ‘e he pule:
Ka ‘oku meia Sihova ‘a e fakamāu‘i ‘o ha tangata.
27Ko e faitotonu ‘oku ne fakalili‘a ki he faihala:
Pea ko e angahala, ‘oku ne fakalili‘a ki he fou totonu.
Currently Selected:
PALŌVEPI 29: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
