PALŌVEPI 28
28
1‘OKU hola ‘a e angahala neongo ‘oku ‘ikai ha tuli:
Kae lotolahi ‘a e faitotonu hangē ha laione.
2Ko e me‘a ‘i he angahala ‘a ha fonua ‘oku tokolahi hono pule:
Ka ai ha tangata fakapotopoto ‘oku ‘ilome‘a, ‘e tolonga ‘ene tu‘u.
3Ko e to‘a masiva ‘oku ne fakamālohia ‘a e mā‘ulalo,
Ko e lōvai ia ‘oku tō; pea uoke, ‘oku ‘ikai ha me‘akai.
4Ko kinautolu ‘oku li‘aki ‘a e lao ‘oku nau mālō‘ia ‘i he kau angahala:
Ka ko kinautolu ‘oku nau tauhi ‘a e lao, ‘oku nau tau mo kinautolu.
5Ko e kakai kovi, ‘oku ‘ikai mahino kiate kinautolu ‘a e totonu fakalao:
Ka ko kinautolu ‘oku ha‘ao kia Sihova, ‘oku mahino kiate kinautolu hono kotoa.
6‘Oku ngutuhua ange ha masiva ‘oku tauhi hono ‘alunga totonu ‘i ha mamio ‘oku hala ua neongo ko ha koloa‘ia.
7Ko ia ‘oku ne tauhi ‘a e lao ko e foha poto;
Pea ko ia ‘oku ‘alu fakataha mo e kai halafaki, ‘oku ne fakamaa‘i ‘ene tamai.
8Ko ia ‘oku ne fakalahi ‘ene koloa ‘i he ‘eke toloi, mo e tangi hulu,
Ko ‘ene tānaki ia ma‘a ha taha ‘oku ‘ofa ki he mā‘ulalo.
9Ko ia ‘oku sī telinga ke ‘oua te ne fanongo ki he lao,
Na‘a mo ‘ene lotu ‘e fai ha fakalili‘a ki ai.
10Ko ia ‘oku ne takihee‘i ‘a e totonu ki he hala kovi,
Te ne tō ‘e ia ki he luotō ‘a‘ana.
Pea ko e haohaoa te nau tofi‘a ‘aki ‘a e lelei.
11Ko e matāpule koloa‘ia ‘oku ne poto nai ‘i he vakai ‘a‘ana:
Ka ko si‘i masiva ‘oku poto ‘oku ne sivi hakili ia.
12‘Oka hiki mavava ‘a e faitotonu, ‘oku lahi ‘a e teu kuo ‘ai:
Ka ‘i he hopo hake ‘a e angahala, ‘oku toi ‘a e kakai.
13Ko ia ‘oku ‘ufi‘ufi ‘ene ngaahi angahala, ‘e ‘ikai te ne tu‘umālie:
Ka ko ia ‘oku ne vete mo si‘aki, ‘e fai ha meesi ki ai.
14Monū‘ia ā ka ko e tangata ‘oku manavahē tu‘u:
Ka ko ia ‘oku fakafefeka hono loto, te ne tō ki he kovi.
15Ko e laione ngungulu,
Pe ko e pea a‘alu,
Ko e pule angahala ia ki ha kakai masiva.
16Eni, ‘eiki masiva he ngaahi fa‘ahinga poto,
Kae mohu he fāinga fakamālohi;
Ko ia ‘oku fehi‘a ki he ma‘u pa‘anga hala
Te ne tolonga fuoloa.
17Ko e tangata ‘oku kavenga‘ia ‘i he toto ‘o ha taha,
Ko e Vanu ia ‘oku ne hola ki ai:
‘Oua ‘e ta‘ofi.
18Ko ia ‘oku laka haohaoa ‘e fakamo‘ui:
Ka ko ia ‘oku fakamamio, ‘o hala ua, te ne tō fakafokifā.
19Ko ia ‘oku ngoue‘i hono kelekele, ‘e mohu me‘akai:
Ka ko ia ‘oku tuli ai pē ki he muna, ‘e mohu masiva.
20Ko e tangata tōnunga ‘e fai tāpuekina.
Ka ko ia ‘oku fakavave ke koloa‘ia, ‘e ‘ikai ‘alu ta‘etautea.
21Ko e filifilimānako ‘oku ‘ikai lelei,
Seuke, na‘a mo ha mafi te na fai angahala ai,
Koe‘uhi ko ha momo‘i me‘akai.
22Ko ia ‘oku sio kovi ko ‘ene fie koloa‘ia vave nai,
‘Osi, ‘oku ‘ikai te ne ‘ilo ‘e hoko kiate ia ‘a e masiva.
23Ko ia ‘oku ne valoki ha tangata te ne ‘ofeina ‘amui,
‘O lahi ‘iate ia na‘e lea fakalai.
24Ko ia te ne kaiha‘a mei he‘ene tamai, pe ko ‘ene fa‘ē,
‘O lau “‘Oku ‘ikai ko e angahala,”
Ko e kaume‘a ia ‘o e tangata maumau me‘a.
25Ko e tangata mānumanu ‘oku ne fakalanga kē:
Ka ko ia ‘oku falala kia Sihova, ‘e nge‘enge‘e.
26Ko ia ‘oku falala ki hono ‘atamai ‘o‘ona, ko ia ‘a e vale:
Ka ko ia ‘oku fou ‘i he poto, ‘e hao ‘a e toko taha ko ia.
27Ko ia ‘oku ne foaki ki he masiva ‘e ‘ikai te ne fusimo‘omo:
Ka ko ia ‘oku pūlou hono mata, ‘e mohu vangia.
28Ka hopo hake ‘a e angahala, ‘oku toi ‘a e kakai:
Ka ‘oka nau ka mole, ‘oku fakatokolahi ‘a e failelei.
Currently Selected:
PALŌVEPI 28: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
