Popular Bible Verses from PALŌVEPI 29

Share

Ko e ilifia ki ha tangata, ‘oku te mo‘ua ai ‘i ha tauhele: Ka ko ia ‘oku tu‘u ‘ene falala kia Sihova, ‘e malu‘i.

‘I he ‘ikai ha palofisai ‘oku ta‘emapule‘i ‘a e kakai: Ka ko ia ‘oku tauhi ‘a e lao, ko e monū‘ia ia.

‘Oku ‘a‘au ki tu‘a ‘e he vale ‘ene ‘ita kotoa: Ka ko e poto ‘oku ne ta‘ofi ha‘ana mei loki, ‘o fakamomoko ki ai.

Ko e ‘akau mo e valoki ‘oku nau ‘atu poto: Ka ko e tamasi‘i ‘oku tukuange noa ‘oku ne fakamaa‘i ‘ene fa‘ē.

Tautea ho foha, pea te ne hoko ko ho nonga‘anga; ‘Io, te ne taufetuku fiemālie ki ho‘o mo‘ui.

Ko e anga hiki ‘a e tangata te ne fakatōkilalo ia: Ka ko e loto ‘oku angalalo ‘e ma‘u fakahīkihiki‘i.

‘Oku fakalanga kē ‘a e tangata loto ‘ita; Pea ‘oku mohu angahala ‘a e tangata tafulu.

Ko ho‘o ‘ilo leva ha tangata ‘oku lea ‘oho, Te tau ‘amanaki ki ha vale ‘i he toko taha ko ia.