PALŌVEPI 13
13
1KO E tama poto ‘oku ne tokanga ki he akonaki fakapoto ‘a ‘ene tamai;
Ka ko e tama kakae ‘oku ‘ikai te ne tokanga ki he valoki ‘oku fai.
2Ko e fua ‘o e lea ‘a ha matāpule ‘a ia ‘oku ne kai me‘a lelei ai ‘e ia;
Kae kai fakamālohi ‘e he uho ‘o e kākā.
3Ko ia ‘oku ne lama hono ngutu ‘oku ne malu‘i ‘ene mo‘ui:
Ka ko e ngutu mafa‘a ko e tu‘utāmaki‘anga kia kita.
4Ko e koto holinoa ‘a e mo‘ui ‘a e makau:
Ka ko e mo‘ui ‘a e nima tutui ‘oku nge‘enge‘e.
5‘Oku fehi‘a ‘a e faitotonu ki he lea loi;
Kae fai ‘e Angahala ‘ene fakamaa‘i mo fakaongokovi.
6Ko e faitotonu ‘oku ne malu‘i ‘a e laka haohaoa.
Ka ko e faikovi ‘oku ne fulihi ‘a e laka hala.
7‘Oku ai ha taha ‘oku taku ko e koloa‘ia,
Ka ‘oku hala ‘atā:
‘Oku ai ha taha ‘oku taku ko e masiva,
Ka ‘oku lahi ‘ene koloa.
8‘Oku pu‘ia ‘a e matāpule ko ē ke ‘omi ‘ene koloa ko e tongi mo‘ui:
Ka ko si‘i masiva ‘oku ‘ikai ongo mai ki ai ha me‘a pehē.
9Ko e maama-la‘ā ‘a e faitotonu ‘oku ulo fiefie ulo:
Ka ko e maama-tutu ‘a e angahala ‘oku me‘a mo mate.
10Ko e fielahi ko hono fua ko e kē pē:
Ka ko e fua ‘oku ma‘u ‘e he kau tali fale‘i ko e poto.
11Ko e koloa ‘oku ma‘u mei he ‘ata‘i muna ‘oku mingi ai pē:
Ka ko ia ‘oku fakalahi koloa ‘aki ‘ene ala, ‘e tupu pē.
12Ko e ‘amanaki fuoloa ‘oku fakatutue loto:
Ka ko e holi kuo lava, ko e ‘akau ‘o e mo‘ui tofu pē.
13Ko ia ‘oku ta‘etoka‘i ha folofola, ka ‘oku ne mo‘uha‘ia ai.
Ka ko ia ‘oku ‘apasia ki he fekau, ko ia ‘e ma‘u totongi.
14Ko e akonaki ‘a e punake ko e fauniteni ‘o e mo‘ui:
Ke te hao ai mei he ngaahi tauhele ‘a mate.
15Ko e poto ‘ilonga ‘oku ne fakatupu ‘ofeina:
Ka ko e hala ‘o e kovi ‘i loto ko e koto ngaoha‘a.#13.15 Ka… ngaoha‘a: Ko hono fakalea ia ‘i he hiki fuoloa ‘e taha, (pe Ko kinautolu ‘oku ta‘efalala‘angá, ‘oku nau fou he hala ki he ‘auha.), ka ko hono faka-Hepeluú ko e: Ko kinautolu ‘oku ta‘efalala‘angá, ‘oku nau fou he hala tu‘u ma‘u.
16‘Ilonga ha fakapoto ‘oku ne ngāue atu, ko e poto ai pē:
Ka ko e sesele ‘oku ne folahi ‘ene vale.
17Ko e talafekau angahala ‘oku ne tō ki ha tu‘utāmaki:
Ka ko e talafekau tōnunga ko e vai kau‘aki.
18Ko e masiva mo e mā ko e ‘inasi ia ‘o e toko taha ‘oku teke‘i akonaki:
Ka ko ia ‘oku tokanga ki he fakapoto ‘e fakahīkihiki‘i.
19Ko e holi kuo lava ‘oku melie kia kita;
Ko ia, ‘oku fehi‘a ‘a e kau sesele ke afe mei he kovi.
20Ko ia ‘oku fafale ki he kau poto, te ne hoko ko e poto:
Ka ko ia ‘oku kaume‘a mo e sesele ‘e hoko ko e lusa.
21‘Oku tuli ‘a e kovi ki he kau angahala:
Ka ko e lelei ‘a e totongi ‘a e faitotonu.
22Ko e tangata lelei ‘oku a‘u ‘ene tuku koloa ki he makapuna:
Pea ko e koloa ‘a e angahala ‘oku tuku tauhi ma‘a e faitotonu.
23‘Oku lahi ‘a e me‘akai ‘i he kelekele fo‘ou ‘o e masiva:
Ka ‘oku ai ha me‘a ‘oku mole ko e ta‘efai ki he konisitūtone.#13.23 ‘Oku ‘ikai ke mahino ‘a e faka-Hepelū ‘o e vēsí ni. Ko hono hiki ‘e taha ko e: Ko e kelekele ta‘engoue‘í, ‘e ala ma‘u mei ai ha me‘akai lahi ma‘á e masivá, ka ‘oku ta‘ofi ‘e he kakai koví hono ngoue‘í.
24Ko ia ‘oku ne angakovi‘i ‘a e me‘a kinisi, ‘oku ne fehi‘a ki he‘ene tamasi‘i:
Ka ko ia ‘oku ne ‘ofa ki ai ‘oku ne tautea kei si‘i.
25Ko e faitotonu ‘oku ne kai ke topono hono loto:
Ka ko e kete ‘o e angahala ‘e ‘alefa.
Currently Selected:
PALŌVEPI 13: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
