Popular Bible Verses from PALŌVEPI 13

Share

Ko ia ‘oku fafale ki he kau poto, te ne hoko ko e poto: Ka ko ia ‘oku kaume‘a mo e sesele ‘e hoko ko e lusa.

Ko ia ‘oku ne lama hono ngutu ‘oku ne malu‘i ‘ene mo‘ui: Ka ko e ngutu mafa‘a ko e tu‘utāmaki‘anga kia kita.

Ko ia ‘oku ne angakovi‘i ‘a e me‘a kinisi, ‘oku ne fehi‘a ki he‘ene tamasi‘i: Ka ko ia ‘oku ne ‘ofa ki ai ‘oku ne tautea kei si‘i.

Ko e ‘amanaki fuoloa ‘oku fakatutue loto: Ka ko e holi kuo lava, ko e ‘akau ‘o e mo‘ui tofu pē.

Ko e faitotonu ‘oku ne malu‘i ‘a e laka haohaoa. Ka ko e faikovi ‘oku ne fulihi ‘a e laka hala.

Ko e koloa ‘oku ma‘u mei he ‘ata‘i muna ‘oku mingi ai pē: Ka ko ia ‘oku fakalahi koloa ‘aki ‘ene ala, ‘e tupu pē.

Ko e fielahi ko hono fua ko e kē pē: Ka ko e fua ‘oku ma‘u ‘e he kau tali fale‘i ko e poto.

Ko e tangata lelei ‘oku a‘u ‘ene tuku koloa ki he makapuna: Pea ko e koloa ‘a e angahala ‘oku tuku tauhi ma‘a e faitotonu.

KO E tama poto ‘oku ne tokanga ki he akonaki fakapoto ‘a ‘ene tamai; Ka ko e tama kakae ‘oku ‘ikai te ne tokanga ki he valoki ‘oku fai.

Ko e masiva mo e mā ko e ‘inasi ia ‘o e toko taha ‘oku teke‘i akonaki: Ka ko ia ‘oku tokanga ki he fakapoto ‘e fakahīkihiki‘i.