PALŌVEPI 11
11
1KO E me‘afua kākā ‘oku fakalili‘a ki ai ‘a Sihova:
Ka ko e me‘a-fakamamafa ‘oku kakato, ko hono mamana ia.
2Ka kuo ha‘u ‘a Fielahi, ‘e ha‘u ai mo Mā:
Ka ko e anga vaivai ‘oku ai ‘ene poto.
3Ko e totonu ‘a e anga tonu te ne fakahinohino honau hala:
Ka ko e ta‘ema‘u totonu ‘a e kakai kovi ‘oku nau ‘auha ai.
4‘Oku ‘ikai ‘aonga ‘a e koloa ‘i he ‘aho ‘o e houhau:
Ka ko e faitotonu ‘oku ne fakahaofi kita mei he mate.
5Ko e faitotonu ‘a e tangata lelei ‘e hangamālie ai hono hala;
Ka ko e faikovi ‘a e tangata kovi ‘a ia ‘oku ne humu ai.
6Ko e faitotonu ‘a e anga tonu te ne hao ai:
Ka ko e mānumanu ‘a e kākā ‘oku pō ai kinautolu.
7‘I he pekia ‘a e tangata angahala ‘oku ‘auha ai ‘ene ‘amanaki:
‘Io, neongo ko e ngū lahi, ka ‘e ‘auha pē ‘enau fakatu‘a.
8‘Oku fakahaofi si‘i faitotonu mei he ‘efihia:
Kae ha‘u ‘a e angahala, ‘o fetongi ia.
9Ko e momole‘olunga ‘oku ne teu ‘aki hono ngutu ha luo ki hono kaungā‘api:
Ka ko e ‘ilo‘ilo ‘a e faitotonu ‘oku ne hao ai.
10Ka tu‘umālie ‘a e faitotonu, pea fiefia ‘a e kolo:
Pea ka ‘auha ‘a e angahala, ‘oku ai ha mavava.
11‘Oku hākeaki‘i ha kolo ‘i he tāpuaki ‘a e faitotonu:
Ka ‘oku maumau ‘i he me‘a ‘oku pu‘aki ‘e he angahala.
12Ko ia ‘oku manuki‘i hono kaungā‘api ko e taha masiva ‘atamai ia:
Ka ko e tangata poto te ne fakalongo pē.
13Ko ia ‘oku ‘alu fano mo e lau, ‘oku ne tatala ai pē ‘ena alea fufū:
Ka ko e laumālie tōnunga ‘oku ne fufū ai pē ‘a e me‘a.
14‘Oku tu‘utāmaki ha kakai ko e masiva ‘uta:
Ka ‘oka tokolahi ‘a e kau fale‘i, ‘e ai ha tu‘umālie.
15‘E kovi–ka ko ha kovi–‘a ia ‘oku hoko ko e talifaki ma‘a ha kehe:
Ka ko ia ‘oku fehi‘a ki he ‘atu nima, ‘oku nofo nonga.
16Ko e fefine kakato ‘oku ne ma‘u tokangaekina:#11.16 Ko e… tokangaekina; Ko hono faka-Hepeluú ia, ka ‘oku pehē ‘i he hiki fuoloa ‘e taha: Ko e… tokangaekina; ka ko e me‘a fakamā ha fefine ‘oku vale he anga. ‘E ‘ikai faifai pea ma‘u pa‘anga ha taha fakapikopiko.
Hangē ko e ma‘u koloa ‘e he kau fai mālohi.
17Ko e tangata ‘ofa ‘oku ‘aonga ‘ene ‘ofa kiate ia:
Ka ko e tangata fakamamahi ‘oku ‘asi ‘ene fakamamahi ‘i hono kakano ‘o‘ona.
18Ko e angahala ‘oku ne ma‘u ‘i he‘ene ngāue ha ‘ata‘i totongi:
Ka ko ia ‘oku tūtuu‘i ‘a e totonu te ne ma‘u ‘a e totongi mo‘oni.
19Ko e faitotonu mo‘oni ko e me‘a ‘oku iku ki he mo‘ui:
Ka ko ia ‘oku toupili ki he kovi, ko hono ‘ātunga ai pē ke mate.
20‘Oku fakalili‘a ‘a Sihova ki he ha‘a loto mamio:
Ka ko hono mamana ‘a kinautolu ‘oku tonusika honau ‘alunga.
21Kuo mole ha taimi mo ha taimi kae ‘ikai ‘alu ta‘etautea ha kovi:
Ka ko e hako ‘o e faitotonu ‘e hao.
22Ko e mama koula ‘i he ihu ‘o ha puaka,
Ko e fefine hōihoifua ia ‘oku ‘ikai ke ‘ilo ki he taau.
23Ko e faka‘amu ‘a e faitotonu ‘oku ngata ‘i he me‘a ‘oku lelei:
Ko e ‘amanaki ‘a e angahala, ko e koto ‘afungi.#11.23 Ko e… ‘afungi; pe Ka ma‘u ‘e ha taha fai angahala ‘a e me‘a ‘oku holi ki ai, pea ‘ita leva ‘a e kakaí kotoa, pe pea tautea‘i leva kinautolu ‘e he ‘Otuá.
24‘Oku ai ha taha ‘oku nima homo,
Kae fakautuutu ai pē ‘ene koloa:
Pea ‘oku ai ha taha ‘oku angakovi‘i ‘ene me‘a,
Kae masiva ai.
25Ko e loto fa‘a tāpuaki ‘e nga‘eke:
Pea ko ia ‘oku fakaviviku ngoue kehe ‘e fakaviviku ha‘ana foki.
26Ko ia ‘oku ne ta‘ofi ‘a e mahoa‘a, ‘e kape ki ai ‘a e kakai:
Kae hili ‘a e tāpuaki ki he ‘ulu ‘o ia ‘oku ne fakatau atu.
27Ko ia ‘oku tutui ki he lelei te ne ‘eke pe ko e hā ‘a e manako:
Pea ko ia ‘oku kumi ki he kovi ‘e a‘u ia ki ai.
28Ko ia ‘oku falala ki he‘ene koloa, ko ia ia ‘e tō:
Ka ko e faitotonu ‘e talamuka hangē ko e va‘a.
29Ko ia ‘oku ne fakamamahi hono fale ‘o‘ona,
Ko e ‘inasi te ne ma‘u ko e matangi pē.
Pea ko e vale ‘e tamaio‘eiki
Ki he loto poto.
30Ko e fua ‘a ha‘a faitotonu#11.30 Ko e fua ‘a ha‘a faitotonú; Ko hono faka-Hepeluú ia, ka ‘oku pehē he hiki fuoloa ‘e taha: Ko e fua ‘o e faitotonú. ko e ‘akau ‘o e mo‘ui:
Pea ko ia ‘oku poto,#11.30 Pea… potó; Ko hono faka-Hepeluú ia, ka ‘oku ngali tonu hono hiki ‘o: fakaaoaó. ‘oku ne pō laumālie.
31Vakai, na‘a mo e faitotonu te ne ma‘u totongi ‘i māmani:
Kae huanoa ‘a e faikovi mo e angahala.#1 Pit 4.18
Currently Selected:
PALŌVEPI 11: TMB
Highlight
Share
Compare
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
